‘Plaasmoorde het niks te doen met ras’

Argieffoto: AfriForum Jeug

Argieffoto: AfriForum Jeug

Bheki Cele, adjunkminister van landbou, het Dinsdag gesê aanvalle op plase, wat dikwels met die moord op plaaseienaars gepaardgaan, het niks met die slagoffers se ras te doen nie.

“Ons doen ʼn beroep op almal, ook die media – om die raskwessie uit plaasmoorde te haal. Die mense wat doodgemaak word, is boere,” het Cele aan verslaggewers in Pretoria gesê. “Ons het gesien boere kom onder aanval, hetsy hulle wit, swart, geel, groen of pers is, en ons hanteer dit so. Op ons grondgebied van boerdery, neem ons dit ernstig op.”

Cele het gesê die departement van landbou het ʼn beperkte rol in die bestryding van plaasmoorde. “Landbou kan nie sê ons gaan diegene wat die boere vermoor in hegtenis neem nie. Ons wens ons kon, maar ons kan nie. Ons kan nie sê ons gaan hulle skiet nie,” het hy gesê. “Daar moet goeie kommunikasie wees tussen boere en hul plaaswerkers. Daar is ʼn behoefte aan vinnige reaksie deur polisiestasies rondom die plase.”

Senzeni Zokwana, minister van landbou, het Dinsdag gesê die aanval op boere is ʼn kommerwekkende neiging. Zokwana het tydens die mediakonferensie gesê hy is nie bereid om besonderhede te gee oor ʼn strategie om plaasmoorde te beveg nie.

“Ons het nie hierheen gekom met spesifikasies nie. Onthou dat van die spesifikasies vir die hantering hiervan by die polisie lê,” het Zokwana gesê. “Ons sal met hulle vergader om te kyk na maatreëls wat proaktief is. Ons moet ʼn forum op die been bring waarin boere, plaaswerkers en die gemeenskap om die plase as ʼn span kan saamwerk. Ons moet die boerderygemeenskappe harmoniseer. Ons het begin om met ander departement saam te werk.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

17 Kommentare

jongste oudste gewildste
Bekommerd

Wat rook die man? En, is dit die gevolg van liedere soos “Kill the boer” ???????????

Vic

Kan miester Cele vir ons die syfers verskaf oor die swart, geel, groen en pers boere wat vermoor is asseblief?

anet

Bheki Cele, die afgelope tyd is dit Blanke boere wat vermoor word en nie swartes nie. Gaan lees maar die statistieke, as jy statistieke kan verstaan. Hoekom se julle maar liewer niks, praat net ‘n spul nonsies. Julle sal vinnig reageer as die swart boere so uitgemoor word, en belonings sal volg vir die wat kan help om moordenaars op te spoor.

Willie

…”Zokwana het tydens die mediakonferensie gesê hy is nie bereid om besonderhede te gee oor ʼn strategie om plaasmoorde te beveg nie”…

Zokwana, daar bestaan nie so iets soos ‘n strategie van regeringskant om plaasmoorde te beveg nie want jy en jou regering is onbevoeg om ‘n werkbare strategie op die tafel te sit en suksesvol deur te voer.

rienie

Izzit!!!!!!! kan enige regdenkinde jou glo? Se altyd, moet nooit mense se intellegensie onderskat nie…………