Plaaswerker sterf onder grassnyer

Argieffoto (Pixabay)

Argieffoto (Pixabay)

ʼn Plaaswerker is dood nadat hy Vrydag op ʼn plaas naby Bapsfontein in Gauteng onder ʼn grassnyer beland het.

Athlenda Mathe, woordvoerder van Netcare 911, het gesê die werker was omstreeks 12:50 besig om met ʼn trekker en grassnyer gras te sny toe hy deur ʼn swerm bye aangeval is.

“Hy het van die trekker afgespring en probeer weghardloop. Die trekker het ʼn implement wat die gras sny gesleep en die man het gestruikel en onder dié implement beland,” het Mathe gesê.

Paramedici is na die toneel geroep, maar die man was reeds dood. Die naam van die oorledene kon nog nie bekendgemaak word nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

3 Kommentare

GES ·

Dit is baie tragies. Die aanvalle van bye (“killer bees”) vind deesdae al meer plaas. Dit is kommerwekkend.

Duncan ·

As ek John Deere was het ek n saak gemaak,elke berig van een of ander ongeluk wys hul die fabrikaat naam op daai ou trekker

SNEL ·

John Deere is tops, juis die dat die prentjie gebruik word :) sodat ons in die dorpe beter verstaan, want kom trekkers nie net in groen nie :)

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.