Plakkers sny boer byna keelaf

Die skade aan Jan se bakkie. Foto: Verskaf

Die skade aan Jan se bakkie. Foto: Verskaf

WAARSKUWING: Die foto onderaan die berig is grafies van aard en kan kinders en sensitiewe lesers ontstel.

ʼn Boer van Paardeberg naby Jacobsdal in die Vrystaat is dankbaar hy leef nadat ʼn groep plakkers op sy plaas hom glo Saterdag byna keelaf gesny het.

Jan Steyn (35) het Maandag vlugtig met Maroela Media gepraat, maar weens ʼn erge snywond aan sy keel gou die foon aan sy vrou, Nadia (28), gegee. Sy het die aanval sien gebeur en het tot sy redding gekom.

Nadia het aan Maroela Media gesê hulle het sowat twee jaar gelede die plaas gekoop waar hulle met swart boerbokke boer. Die egpaar het vier seuns, waarvan die jongste vyf weke oud is.

Die egpaar het sedert hul intrek op die plaas hul hande vol met nagenoeg 40 plakkers wat meestal in sinkhuise op ʼn gedeelte van die plaas woon en aandring op grond.

“Ons word gereeld deur hulle gedreig en het dit al by die polisie aangemeld, maar niks het daarvan gekom nie,” het Nadia gesê.

Sy het gesê Jan het Saterdag omstreeks 15:00 met die seuns in hul bakkie gery om te gaan seker maak dat al die hekke op die plaas gesluit is.

“My seuns het later by die huis in gehardloop en gesê ‘mamma, mamma, bel die polisie’. Ek het gaan ondersoek instel en gesien Jan staan by die hek naby die plaashuis. Die bakkie se vooruit was met klippe stukkend gegooi. Jan het buite die bakkie saam met een van ons seuns gestaan en glasstukke uit hulle gesigte gehaal.”

Nadia wou ondersoek instel oor wat gebeur het en het in die bakkie geklim en na die plakkers, sowat 500 meter van die plaashuis, gery. Sy wou by die plakkers uitvind waarom hulle die bakkie beskadig het, toe Jan van die huis af aangestap kom sodat hulle die voorval by die polisie kan gaan aanmeld.

“Skielik toe sak so agt of nege van die plakkers op hom toe en begin hom skop en met klippe slaan. Een man het ʼn mes uitgepluk en gesê hy gaan hom keelaf sny.” Nadia het gesê sy weet nie wat die aanval aangehits het nie, maar dat van die plakkers moontlik onder die invloed van alkohol was.

Nadia het met die bakkie op die groep afgepyl en kon daarin slaag om Jan uit die groep se kloue te bevry en op die bakkie te laai, waarna sy met haar bebloede man na die Kimberley-hospitaal gejaag het. Die gesin het Saterdagaand in Kimberley deurgebring. Jan is Sondag ontslaan met verskeie beserings, onder meer ʼn erge snywond aan sy keel. “Die dokter het gesê as die snyplek 1 cm laer was, sou hy dood gewees het.”

Toe die gesin Sondag terugkeer na hul plaashuis was die deur oopgebreek en die huis omgekeer. Die krane was ook heeltemal oopgedraai sodat die huis oorspoel het. “Hulle het nie gekom om iets te steel nie. Hulle het gekom om die huis te verniel. Hulle hoop seker dat as hulle ons dreig dat ons van die plaas sal vlug en dan kan hulle die grond kry.”

Sers. Fikiswa Matoti, polisiewoordvoerder, het aan Maroela Media bevestig ʼn klag is by die polisie aanhangig gemaak. “Die Jacobsdal-polisie is besig om die voorval te ondersoek. Niemand is nog in hegtenis geneem nie en die ondersoek duur voort,” het sy gesê.

Nadia het intussen twee lyfwagte aangestel om die gesin teen die plakkers te beskerm.

WAARSKUWING: Die foto onderaan die berig is grafies van aard en kan kinders en sensitiewe lesers ontstel.

 

Jan Steyn se wond aan sy keel. Foto: Verskaf

Jan Steyn se wond aan sy keel. Foto: Verskaf

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

115 Kommentare

jongste oudste gewildste
AmY

Is daar ‘n woord of woorde on daai PERSONE te bedskryf?

Asjas

Sien die buiteland hierdie berigte??

Trots Afrikaans

Hier is die storie volgens die DA, EFF, ANC.
Die wit rasis het agt onskuldige swart mans aangeval en hulle moes hulleself beskerm. Na die selfbeskerming was die agt swart mans moeg en honger en moes hulle loop kos soek in die opstal.

Aangesien die polisie onpartydig is het hulle nog niks gedoen nie en slaap hulle nog oor die saak.

Andries

Die mense moet vuurwapens kry,as jou lewe op ‘n aanval is moet die wapen gebruik word! Tyd dat hierdie “tipe mense” ‘n les geleer word.

Willem

Gaan sit n kis by die hek op en hulle sal nie weer plae