Plato se republiek skop af in Kaapstad

Dan Plato is Kaapstad se nuwe burgemeester. Foto: Stad Kaapstad/Twitter

Kaapstad het ’n nuwe burgemeester nadat Dan Plato van die DA vanoggend met ’n groot meerderheid in die amp verkies is.

Kaapstad het 231 stadsraadslede, van wie 208 by die stemming teenwoordig was. Plato het 146 stemme gekry, Xolani Sotashe (ANC) 53 stemme en Grant Haskin (ACDP) 3 stemme.

Sewe raadslede het hul stembriewe bederf eerder as om vir enige van die drie kandidate te stem.

Plato se verkiesing bring ’n einde aan die sewe jaar lange bewindstyd van Patricia de Lille wat verlede Woensdag uit die amp bedank het na ’n lang interne stryd binne die DA.

Die proses om Plato tot burgemeester te verkies het te midde van groot mediabelangstelling in die Kaapse burgersentrum plaasgevind. Dit het 10:00 begin en was teen 11:30 afgehandel.

’n Gemoedelike stemming het in die raadsaal geheers ná Plato se verkiesing, met DA-raadslede wat luidrugtig gesing het terwyl Sotashe hom omhels en gelukwens, en ANC-stadsraadslede hom met ’n handdruk gelukgewens het.

Plato het sy arm in die lug gegooi in ’n oorwinnaarsaluut en die nuwe era het begin.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

11 Kommentare

Jan makatan ·

Veels geluk
Mag hy voort bou op al patricia se goeie dade en bestuur en dit self verbeter. “Haar Kaapstad is glad nie n slegte plek nie dog is daar ruimte vir verbetering

Magda ·

Hi Pieter – Jy oordeel nog voor Dan n kans gekry het om homself te bewys, of weet jy van iets wat ons moet weet?

ac ·

Hoe dink jy wie moes as burgermeester vir verkies word aangesien jy die val van Kaapstad sien.

ACJ ·

Nou wie dink jy moes gekies gewees het as jy die val van Kaapstad sien?

LB S ·

Nou toe, Mnr Plato, laat waai en laat wiel. Bewys aan al die draadsitters dat die DA steeds die beste keuse is en dat hulle onthou dat as hulle nie vir die DA genoeg stemme behaal nie, die ANC ONS GAAN REGEER! Hulle sit hul lippe en aflek!

Jerry ·

Indien enige lid van die VF teen Plato gestaan het, sou hy of sy van die VF nie eers een stem gekry het nie. Skrif is duidelik aan die muur vir witoorheersing/deelname in SA! Stem DA op nasionale vlak en stem vir ACDP op plaaslike vlak!

Staak saam ·

Luidrigtig sing!!…….dit klink als soos ANC beheerde stadsraad en oorwinning.
Ons kan almal maar net die kop slud vir die een want dit klink net soos die ANC, die DA wen n stryd teen homself en nou moet ons party!!

ac ·

Hoe dink jy wie moes as burgermeester vir verkies word aangesien jy die val van Kaapstad sien.

ACJ ·

Nou wie dink jy moes gekies gewees het as jy die val van Kaapstad sien?

zoom zoom ·

Hulle kon eerder vit Emo Adams gekies het as burgermeester. Daar is net iets omtrent Plato wat my nie geval nie. Sorry ek stem vir Emo.

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.