Pleidooie vir formulemelk op sosiale media ‘onwettig’

Die departement waarsku ook teen tuisgemaakte formulemelk. (Foto: Unsplash)

Verlede week se groot onrus in veral KwaZulu-Natal het ook gelei tot ʼn ernstige tekort aan formulemelk in sekere gebiede, maar die departement van gesondheid waarsku dat oproepe vir die skenking en verspreiding van formulemelk vir babas “onwettig” is.

“Die regering het regulatoriese raamwerke vir die bestuur van kommersiële formule vir babas. Dit word dus aanbeveel dat skenkings vir formulemelk deur die provinsiale gesondheidsdepartement gedoen word,” sê Popo Maja, woordvoerder van die departement.

Maja sê die provinsiale departemente sal die ontvang van geskenkte formulemelk fasiliteer om te verseker daar word aan bepalings voldoen. Skenkers sal dan na die regte amptenare op distriksvlak verwys word .

“Dit is ʼn tydelike maatreël om die uitdaging te bowe te kom en sal mettertyd hersien word terwyl die situasie weer na normaal terugkeer.”

Die departement het mense ook gemaan om nie resepte vir sogenaamde tuisgemaakte formulemelk te gebruik nie, omdat dit skadelik vir babas kan wees.

“Die tuisgemaakte resepte kan moontlik nie genoeg of dalk te veel van sommige voedingstowwe bevat nie en veroorsaak dat babas siek word en diarree kry,” sê Maja.

“Ons doen ʼn beroep op ma’s wat nie borsvoed nie, om nie die resepte of enige ander ongeskikte produkte, soos koffie- of teeverromers, of tee met of sonder suiker of kondensmelk, te gebruik nie.”

Die departement sê mense moet ophou om verkeerde inligting wat borsvoeding ondermyn te plaas en te deel.

“Die regering wil belanghebbendes herinner dat niemand, ingevolge wetgewing, fomulemelk vir babas mag bevorder nie.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

46 Kommentare

jongste oudste gewildste
Nie Verbaas

Dit vir die departement stuur? Nee, dan is dit weg of word vir eie gewin verkoop. Wie vertrou nog die regering na alles wat al blootgele is?

Deon

Ek verstaan dat mens nie sommer enige strooi kan meng en vir n baba kan gee nie, maar as iemand n paar ekstra blikke melk het WAAROM KAN HULLE DIT NIE AAN n MOEDER SKENK WIE SE BABA DIT NODIG HET NIE!!!!

Lindi

Is hulle nou heeltemal gek? STUUR dit vir die departement vir verspreiding? RERIG? Hoeveel van hulle het babas? Wat die tuisgemaate respte aanbetref – daarmee stem ek saam. Dis gevaarlik vir die babas.

Mckayla

Luister, ek is ‘n ma, en ek was al in n situasie waar ek nerens kon melk kry nie want al die winkels is toe en dis lockdown so ek was tot hospitaal toe, tot hul kon my nie help nie en my baba het on op houdelik geskree vir haar melk. So as ek in so situasie was sou ek ook almal gevra het vir hulp met melk want ek is nie so gelukkig om te kon bosvoed nie, en haar melk is haar melk sy gaan nie settle vir n tee of n bietjie pap of watokal nie.… Lees meer »

Gert

As van die formule melk wat deur apteke, kettingwinkels ens. verkoop word nie aan die vereistes voldoen nie, hoekom het die departement van gesondheid dan nie reeds gestop nie.