Plofstof op vragskip ‘nie bestem vir SA’

Argieffoto: Pixabay.com

ʼn Russiese vragskip wat net buite die Ngqura-hawe noordoos van Port Elizabeth in aanhouding is nadat sowat 100 ton plofstof op die skip gevind is, het nie die nodige vervoerpermit om dié vrag te vervoer nie.

Suid-Afrika se departement van handel en nywerheid het Donderdag gesê die plofstof sal nie in Suid-Afrika afgelaai word nie. Volgens die departement het die polisie reeds die Suid-Afrikaanse Raad vir die Nie-proliferasie van Wapens van Grootskaalse Vernietiging (NPC) van die vrag in kennis gestel en die feit dat die skip nie oor ʼn vervoerpermit beskik nie.

“Die raad het bevestig dat die skip gekontroleerde items aan boord vir vervoerdoeleindes gehad het en nie in Suid-Afrika afgelaai sou word nie. Die plofstof vereis ʼn vervoerpermit wanneer die skip waarop dit vervoer word in Suid-Afrikaanse gebiedswaters beweeg. Die betrokke plofstof het burgerlike (industriële) én militêre toepassings en is daarom gekontroleerde items,” het die departement in ʼn verklaring gesê.

Doeanebeamptes het Sondag op die vraghouers vol kommersiële plofstof afgekom. Volgens mediaberigte behoort die skip aan die Russiese maatskappy Transloft in St. Petersburg. Die skip is in aanhouding geplaas om te bepaal waarheen die plofstof, wat glo miljoene rande werd is, bestem is.

Die departement het polisie- en doeanebeamptes geloof vir hul oplettendheid om die plofstof op die skip te ontdek. Volgens die departement stel die NPC en die Nasionale Vervolgingsgesag verdere ondersoek in.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

8 Kommentare

sumi ·

seker polokwane toe. dis mos daar in azani. ons weet mos wie se stronghold. daarom dat alles, grondonteiening, nationalisering van die banke en transformasie so gou as moontlik moet plaasvind.

Willem ·

Ek probeer nou nie hare kloof nie, maar beweeg ‘n skip of seil ‘n skip (maak nou nie saak of dit ‘n skip met seile of ‘n skroef is nie).

Willem ·

Ek kan hiermee saamleef. Jip, en ‘n slang seil oor die grond.

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.