Plunderaars gevra om buit terug te besorg

Polisiebeamptes herwin goedere wat gedurende die onluste gesteel is. (Foto: Verskaf)

Die gesamentlike operasionele en intelligensiestruktuur (NatJoints) doen ’n beroep op plunderaars om gesteelde goedere vrywillig aan die owerhede terug te besorg.

Plunderaars word deur moontlike inhegtenisneming en ’n kriminele rekord in die gesig gestaar indien hulle nie aan dié oproep gehoor gee nie.

Dít terwyl persone nou ook in hegtenis geneem sal word vir die skep en verspreiding van opruiende boodskappe wat poog om “vlakke van spanning, verwarring en vrees” onder gemeenskappe te verhoog.

Kol. Brenda Muridili, woordvoerder van NatJoints, sê veiligheidsmagte is tans besig om gesteelde goedere te herwin met die hulp van die publiek wat wenke oor gesteelde goedere in hul gebiede vir die polisie aanstuur.

’n Waarskuwing is intussen ook uitgereik aan diegene wat nie noodwendig aan die plundery deelgeneem het nie, maar wel gesteelde eiendom by plunderaars koop, dat hulle  in hegtenis geneem kan word vir die besit van gesteelde goedere.

Polisiebeamptes herwin goedere wat gedurende die onluste gesteel is. (Foto: Verskaf)

Altesaam 3 407 plunderaars is teen Sondagoggend in verband met die afgelope week se plundertogte in hegtenis geneem; borgtog is aan slegs een toegestaan.

Muridili sê voorts 1 122 verdagtes sal na verwagting ondertussen in verskeie howe in Gauteng en KwaZulu-Natal verskyn terwyl die oorblywende dossiere ondersoek word.

Altesaam 92 verdagtes is die naweek in KwaZulu-Natal in hegtenis geneem vir die besit van gesteelde goedere, terwyl 14 verdagtes oor die naweek in Gauteng, hoofsaaklik in Tembisa, Johannesburg, Alexandra en Moroka, in hegtenis geneem is vir die besit van goedere wat vermoedelik gedurende die plundertogte gebuit is. Dit sluit matrasse, televisiestelle, banke, yskaste, rekenaarskerms, skootrekenaars sowel as klere en kos in.

Opruiende boodskappe

Muridili sê drie verdagtes is die naweek in Gauteng in hegtenis geneem vir die skep en verspreiding van opruiende boodskappe wat moontlik geweld kan aanhits. Die verdagtes sal na verwagting Maandag en Dinsdag in die hof verskyn.

NatJoints is ook bewus van verskeie boodskappe wat die rondes op sosiale media doen waarin met aanvalle op polisiestasies, howe, brandstofpypleidings en raffinaderye sowel as verdere plundertogte gedreig word.

“NatJoints span alle hulpbronne in om hierdie dreigemente te hanteer en sigbaarheid te verhoog. Maatreëls is ook getref om stabiliteit te verseker, en diegene wat nie by die onrus betrokke is nie en met hul daaglikse roetine wil voortgaan, te beskerm en veilig te hou.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

40 Kommentare

DieKriek ·

Sjoe, laat die diewe betaal vir hulle buit. Wie kan nou iets doen met 2de handse goed? Ek wonder aan wie SAPS die teruggevinde goedere gaan “terugbesorg”.

Andre ·

Dit is “veronderstel” om na die versekering maatskappye te gaan, vir latere op veiling.

Pierre ·

Ja, maar eers na dit as “bewys stukke” by SAP “geberg” is….
Twyfel of die versekeraars ooit daai goed gaan sien.

Barney ·

So, ek wonder nou of die Zuma kinders en Julius ook in hegtenis geneem gaan word vir die verspreiding van opruiende boodskappe of geld dit net vir die res van die land se mense

Dirk Mostert ·

En Jacob Zuma en Charl Niehaus wat op TV gesien en gehoor is.

Genis ·

Nie in ons leeftyd nie….. Niemand gaan die tee-party opbreek nie

Patch ·

Ek weet nie wat hulle ondersoek nie want hulle weet mos wie het dit verprei, die bewyse is op die skuldiges se sosiale media blaaie. Hoe lank moet mens dit “ondersoek”. Gaan laai die skuldiges op en sluit hulle toe… en verloor sommer die selle se sleutels in die proses.

Francois ·

Kan die diewe wat n paar jaar terug by my ingebreek het, asseblief my goed ook terugbring?

Blomme ·

Nice one… Lekker lag ek nou. Dalk raak die diewe nou beskaafd in ons land neh… Hulle luister na ń beroep op teruggawe. Ons owerhede is so pateties.

Jr ·

Hulle gaan dit terugbring??? JA en ek’s die president van Rusland. What a clown country. Soos om vir ‘n kind te sê gee jou speelgoed terug.

Dirk Mostert ·

Die SAP was nie in staat om die plundery te verhinder nie. As Minister Cele ‘n ampswaard het, kan hy by die Japanse ambassade raad vra oor hoe om sy verlore eer te herstel.

Harley Davidson ·

En wanneer word malema,Floyd shiwambu,die Zuma kinders gearesteer vir hulle bydra ?

Nie Verbaas ·

Vra plunderaars om goedere terug te bring? Wat n grap? Die ANC laat mens nooit ophou lag nie.

Oomniklaassevriend ·

Aangesien hulle wetsgehoorsame burgers is gaan hulle onmiddellik gehoor gee aan die versoek. Hulle het net vir die oomblik gewag.

annie ·

… en indien hierdie tragiese situasie herhaal wanneer die onskuldige baba dalk nie amnestie ontvang nie, hoe gaan die liewe polisiemag optree? Tweedehandse items by ingange + kospakkies uitdeel vir rus en vrede…. hopende op minder rommel. Onthou, die prez het ook ander veewerk om te doen, Bloemfontein bv… Oei! Bring ‘n stootskraper!

Lindi ·

Die goed is tien teen een so stukkend dat dit nie eers ‘n kwart werd is as wat dit was nie. Ek is seker die vesekerings maatskappye gaan die goed uitbetaal en dan vernietig. (Hopelik)

Kerneels ·

Hulle is lekker laf. Wie sal die goed wil koop wat teruggebring is? Dis dan tweedehands?

Kokerboom ·

Rerig!!!!!! 1 April is mos lankal verby..te vroeg vir April 2022!!!!

Tokkel ·

EFF stel mos voorbeeld om te brand en te vernietig in ons mooi land. Hulle kan hulself nie eers gedra in die Parlement nie. Daar moet hulle ook vasgevat word.

Danie ·

Asb, bring vir ons die ou goeidjies terug wat julle onteien het, julle ou stouters. Ons kan ongelukkig nie als self kom kry en die mense inhegtenis neem nie want ons en Mr Cele is tog te besig om om 21:05 agter die groot krimenele aan te hardloop wat durf om die aandklok reel te verontagsaam.

Moedeloos ·

Hulle moet gestraf word nou word hul met respek behandel en gesmeek. Nee wat ek wil in elkgeval nie hierdie items in my huis hê nie. Gaan skenk dit vir ouetehuise / kinderhuise/ welsynorganisasies, ens wat dit bitter nodig het maar geen staat hulp kry nie.

Erika ·

Die Buit wat deur Polisie gevat word gaan bloot heerlik verdeel word onder mekaar… want daardie buit kan nie terug winkels toe nie Of vir welsyn organisasie gegee word nie…..

Mariana ·

Ongelooflik!!! SA die wêreld se sirkus met narre wat jou laat lag tot jou maag pyn. Maar ongelukkig is dit hulle snaaks nie.

Anthony ·

3 407 plunderaars toegesluit. Well dis darem 3470 minder honger mense op straat, lekker vol magies gaan slaap….op ons

Persheks Adri ·

Versoek plunderaars om goedere terug te gee? Nou het ek alles gehoor oe ee ee! Gaan nie die skade herstel nie.

Zuma, Karel kat en Zuma se kinders het dit begin nou hoe nou?

Winnie ·

Ek sien die berig sê dat mense wat opstokery en geweld aanstig vervolg gaan word wat ‘n grap want Floyd Shibambo sê openlik op facebook dat die onluste soos Sondagskool piekniek gaan wees as hulle gaan begin met grondgrype. Is dit nie ook aanhitsing tot geweld nie. Hoekom word die rooipette nie aangevat nie

Herpiet ·

Want eff is die skoothondjie van die anc. Dis in die anc se belang – alles wat die eff kwytraak. Dis hoekom

anniekiewiet ·

Ons hoor dit elke oggend oor radio uitsendings ook. Mense word versoek, of daar word n beroep gedoen, of hulle moet onthou dit of dat mag nie, of of of. Dis omdat die landsburgers soos skoolkindertjies wat geen dissipline mag kry nie, behandel word, dat hulle so optree. Ons dae begin al met soveel wrange gelag en kopskud. Wie kan nou respek hê vir hierdie bang regering wat wetteloosheid nie met gesag kan stop nie?

Herman L ·

3407 plunderaars in hegtenis geneem, maar die baasbreine loop nog los rond! Is Ace al in hegtenis geneem of is hy totaal onskuldig? en wanneer gaan die orige nege van die twaalf gearresteer word of moet hulle eers nog ‘n projek afhandel?

pompies ·

Ek wag in spanning om te sien wanneer hulle die res van die zuma clan wat opruiende boodskappe gestuur het gaan inhegtenis neem. Soos die boodskap se “loot just do it responsibly” as dit nie op ruiend is nie dan weet ek nie.

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.