PNA-voorval: Wag se dienste ‘opgeskort’

Beserings wat die seun tydens die beweerde aanranding opgedoen het. Foto: Verskaf

Die veiligheidswag wat na bewering ʼn 16-jarige seun van Lephalale (Ellisras) in Limpopo aangerand het, se dienste is glo opgeskort.

Maroela Media het vroeër berig die seun, wie se naam weerhou word om sy identiteit te beskerm, moes verlede Donderdagaand in die hospitaal deurbring nadat hy vroeër die dag glo deur ʼn veiligheidswag onder meer met ʼn knuppel geslaan is.

Die seun is daarvan beskuldig dat hy verlede Maandag ware by die PNA-winkel by die winkelsentrum gesteel het. Hy het Donderdag omstreeks 10:00 in die parkeergebied van die winkelsentrum geloop toe ʼn vrou wat by die winkel werk hom glo gesien en herken het. Sy het die veiligheidswag geroep en hulle het die seun na bewering in die winkel ingesleep, die deure gesluit en hom in ʼn kamertjie toegesluit waar die wag die seun glo “pimpel en pers” geslaan het. [Sien foto’s hier]

ʼn Werker by die winkel het intussen die polisie ontbied, waarna die polisie die seun in hegtenis geneem, geboei en agter in ʼn vangwa gesit het. Die polisie het sy ouers omstreeks 10:20 in kennis gestel dat hy op ʼn aanklag van diefstal in hegtenis geneem is. Toe hulle verneem van die beweerde aanranding het hulle daarop aangedring om hom na ʼn hospitaal te neem, waar hy opgeneem is vir waarneming.

Herman Botha, groephoofbestuurder van PNA Stationers, het Donderdag gesê die burgerlike inhegtenisneming deur die veiligheidswag en personeel van die PNA-winkel by die Lephalale Square-winkelsentrum het daartoe gelei dat die konsessiemaatskappy onmiddellik tussenbeide getree en ʼn interne ondersoek van stapel gestuur het.

Hy het gesê die veiligheidswag is nie ʼn werknemer van PNA nie.

“Ons is geskok om te verneem van die beweerde optrede van die veiligheidswag, asook dat dit plaasgevind het by een van ons konsessiewinkels. Ons kan bevestig dat die werkgewer van die veiligheidswag sy dienste intussen opgeskort het en dat ʼn saak by die plaaslike polisie aanhangig gemaak is,” het Botha gesê.

“Die Suid-Afrikaanse regstelsel erken die regte van winkeleienaars om hulself te beskerm teen winkeldiefstal, maar terselfdertyd moet hulle die grondwetlike regte van verbruikers in gedagte hou. Soos onder meer die reg om met menswaardigheid behandel te word, asook die reg om as onskuldig beskou te word totdat die teendeel bewys word.”

Botha het gesê PNA is verbind daartoe om met integriteit en inagneming van die wette van die land handel te dryf en die groep verwag dieselfde van sy konsessiehouers.

“Weens die erns van die saak, het ek en een van PNA se direkteure Lephalale Sondag en Maandag besoek met die doel om al die feite in te win om sodoende die nodige stappe te kan doen. Ons het ook na die seun se gesin uitgereik. Ons vertrou dat ons klante en die hele gemeenskap die uitslag van die indiepte-ondersoek geduldig sal afwag.”

Hy het gesê ongeag die uitkoms van die polisie-ondersoek en die bevindinge van die interne ondersoek, het PNA reeds daadwerklike stappe gedoen om sy bedryfshandleiding te hersien, met verwysing na aanvaarbare praktyke vir die aanhouding van winkeldiefstal-verdagtes.

“Al PNA se konsessiehouers sal opleiding ontvang ten einde ʼn soortgelyke voorval in die toekoms te verhoed,” het Botha bygevoeg.

Die polisie het reeds bevestig ʼn saak van aanranding word teen die veiligheidswag ondersoek. ʼn Saak van diefstal is ook teen die seun aanhangig gemaak en word ondersoek.

Verskeie pogings om Donderdag kommentaar van die polisie in verband met die vordering van die ondersoeke te kry, was onsuksesvol.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

40 Kommentare

jongste oudste gewildste
willie

Weereens so die wag wit gewees het en die slagoffer swart, dan was die wag van dag een af toegesluit en het die minister laankal ingegryp! Onstellend patetiese optrede, maar wat anders het ons verwag sal gebeur! Die doodskis voorval is ñ sprekende voorbeeld, weereens geen borg nie!

Dereck Le Roux

Die veiligheidswag se dienste opgeskort, as dit my kind was was sy dienste permanent hier op aarde opgeskort veral as hy nog nie in hegtenis geneem is nie, ‘n mens wonder wat die uitkoms gewees het as die veiligheidswag ‘n witman was en die minderjarige seun ‘n swart seun was hoe sou die scenario en die politieke en internasionale verontwaardiging en skok sou wees???

HPV

Wag rand seun ernstig aan, sigbare beserings. Wag word nie in hegtenis geneem.
Weermaglid skiet vrou by verkeerslig. Weermaglid word nie in hegtenis geneem.
Twee witmans laat ‘n swarman in ‘n doodskis klim, geen sigbare beserings, word summier in hegtenis geneem, borgtog gweier en kry saam 26 jaar tronkstraf. Iets is baie verkeerd! Geen witmens kan so ‘n stelsel vertrou nie. Dit is tyd dat ons antwoorde eis.

Pottie

Asb laat dieselfde wette oral geld. 2 kry lank tronstraf vir doodskis episode en ek wil sien dat dieselfde hier gebeur. Wat het geword van die weermagpersoon wat die vrou geskiet het? Waarom voel dit vir my asof daar nie geregtigheid is nie?

Muffin

Wat my aan betref moes die wag gearresteer gewees het. SAP ondersoek die saak maar pogings om vordering te verkry was onsuksesvol. Pateties. Die saak sal seker net so verdwyn.