Suretha Brits staan as die baasbrein op die moord op haar man, Leon, tereg. (Foto: Verskaf)
Suretha Brits (30), weduwee van die vermoorde hotelier Leon Brits, is Maandag in die Pofadder-landdroshof borgtog geweier.
Volgens kapt. Sergio Kock, polisiewoordvoerder, is die saak tot 5 Julie uitgestel.
Maroela Media het vroeër berig dat Brits as die sogenaamde baasbrein saam met drie mans, Jacques van Vuuren (34), Amantle Bareki (24) en Enrich Williams (37), op Leon se moord teregstaan.
Adv. Johannes Cloete, namens die staat, het sowat drie weke gelede aangevoer dat Brits geen dwingende redes in haar borgtogaansoek aangevoer het nie en dat dit in belang van geregtigheid is dat haar aansoek van die hand gewys word.
Leon is op 7 Oktober verlede jaar wreed vermoor en sy liggaam in die swembad van die egpaar se huis gegooi waarna Brits op sy liggaam afgekom het.
Brits het glo derduisende rande betaal om haar man en die pa van haar drie kinders te laat vermoor. Sy het die moord glo ook haarfyn beplan.
Benewens moord staan sy ook tereg op verskeie ander aanklagte, waaronder roof en die onwettige besit van ’n vuurwapen.
Intussen is brig. Dick de Waal, die gedugte speurder wat Leon Brits se moord ondersoek het, Vrydag ná ’n kort siekbed dood nadat hy positief getoets het vir Covid-19. Hy was die hoof van die Valke in Kimberley en was ook bekend vir sy ondersoekwerk na die berugte Griekwastad-moorde.
Die arme kinders ….
Ek voel regtig baie jammer vir die kinders.
Dink nie sy het veel aan die kinders gedink toe sy die bedragte gegee het…..
Laat sy sit!
Geen borg is reg. Sy is waar sy hoort.
Dat so n mooi vrou en Ma, haar lewe so weg gooi… en boonop soveel hartseer vir die kinders bring…
Ou foto glad nie meer mooi en ook nie meer ‘n hart.
As die beplanning so ‘haarfyn’ gedoen is as wat beweer word, sou sy nie (so vinnig) vasgetrek gewees het nie.
Cherokee, die moord is haarfyn beplan, nie die “wegkom daarmee” nie.
Hoe dom in die 1ste plek en siek moet jy wees om jou lewensmaat te laat vermoor ? Jy behoort mos te weet iemand gaan jou split , wie gaan alleen tronk toe vir ‘n moord ?
Dis goed dat sy nie borg kry nie. Haar swaar straf begin alreeds.
Dit gaan my verstand te bowe dat mense dink hulle gaan wegkom met moorde want naaste familie is gewoonlik die eerste verdagtes en alhoewel ons polisie-stelsel ons telkemale faal, is daar tog speurders wat ongelooflik goed in hul werk is.
Voel, net soos almal hier, baie jammer vir haar kinders wat nog so jonk is.
Hoop sy lê elke nag wakker en dink waardeur sy haar arme kinders en Leon se familie sit
Arme kinders wat nou sonder Ouers moet grootword???? Tragies!!!
Sy moet nogal baie van haarself en haar vermoëns dink dat sy geglo het die man wat sy gebruik het vir die moord gaan nie praat nie. Jou parra is nie van goud nie meisie, en dan is jy nog dom ook. Moderne tegnologie maak dat min mense wegkom deesdae, dit los ‘n storie soos ‘n boek wat die polisie agterna kan lees. Almal kry dalk nie hulle straf nie, maar dit vertel vir die polisie wie die skuldiges is.
Ek gaan dit nie weer sê want dit raak afgesaag. Maar elke keer met hierdie familiemoorde bespiegel ek wie die skuldige kan wees en weereens is ek reg. Sy moet sit en nooit weer die lig buite sien nie. Haar kinders moet nou sonder n pa grootword oor haar geldlus. Sy is die woord Ma nie werd nie. #doodstraf