Poging tot moord ondersoek ná aanval op plaas

Argieffoto

Die polisie ondersoek ʼn saak van poging tot moord ná ʼn vermeende veiligheidsbeampte vermoedelik op die plaas Eenzaamheid Wines in die Klapmuts-omgewing in die Wes-Kaap aangerand is.

“ʼn 21-jarige man is Donderdag, omstreeks 06:30 op ʼn plaas in Klapmuts aangerand,” het lt.kol. Andre Traut, woordvoerder van die polisie, aan Maroela Media bevestig. “Die omstandighede rondom die voorval word ondersoek.”

Traut het gesê hy kan nie enige verdere besonderhede verskaf nie, aangesien die ondersoek voortduur.

Janno Briers-Louw, besturende direkteur van Eenzaamheid Wines, het intussen in ʼn verklaring gesê hy is bewus van ernstige bewerings teen ʼn familielid, wat nog nooit werksaam was by Eenzaamheid Wines nie. “Die persoon het geen verbintenis met die handelsmerk nie. Eenzaamheid Wines veroordeel ten sterkste die beweerde oortredings en ons distansieer onsself van dié gedrag.”

Hy het gesê hy kan nie in hierdie stadium enige verdere kommentaar lewer nie.

Volgens ʼn plasing op Facebook is ʼn plaaslike veiligheidsbeampte op dié plaas aangerand. Volgens ooggetuies het ʼn boer glo die jong veiligheidsbeampte aan ʼn paal vasgemaak en hom met ʼn ketting aangerand.

Aldus die plasing op Facebook is die slagoffer van Groot Drakenstein en in diens van Special Protection Services, ʼn maatskappy wat veiligheidsdienste aan die plase in die omgewing lewer.

Na bewering het die veiligheidsbeampte die boer Donderdag in die vroeë oggendure in kennis gestel van verdagte aktiwiteit op die plaas. Die boer het egter die jong man daarvan beskuldig dat hy daaroor gelieg het, en hy het hom aangerand.

Die slagoffer het na bewering ernstige beserings opgedoen.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

13 Kommentare

jongste oudste gewildste
Gerrit

Swak swak die feite word so half deurgegee net die beweerde joernalis sal weet wat hier aangaan ek sal maar die regte nuus in die sowetan lees

Chris

Swak met spelfoute ja, maar darem redelik verstaanbaar. Ontstellend in die sin dat dit gebeur juis in die gebied waar die idee van Swart Maandag ontstaan het. Sou dit waar wees kan n mens net in verbystering vra waar die man se gedagtes en selfbeheersing was? Hoe kon by hy toelaat dat sy emosies so handuit ruk, maak nie saak wat ookal die provokasie was nie. En dit terwyl almal se simpatie by die boere le dan kom so n man met sulke optrede? Is hy werklik n Boer?

Kobus

En so wil ons ook nie leer…ons sit op n kruitvat met al die plaasmoorde…dan vra ons hoekom so wreed en die rede agter dit…daar is een van die redes…

Boer1

Hoe is dit poging tot moord,maar as n persoon met n mes gesteek word of met stomp voorwerpe geslaan word en vir dood agtergelaat word is dit roof,die wet het dubbel standaarde.

Verwag almeer sulke nuus

Die ANC wil boere sleg laat lyk so ons gaan aLmeer hoor hoe boere mense ‘aanrand’.