Polisie fnuik ‘rowers’ in Kraaifontein

Argieffoto: SAPD/Facebook

Argieffoto: SAPD/Facebook

Ses persone is Dinsdag in hegtenis geneem nadat die Wes-Kaapse blitspatrollie ʼn rooftog by ʼn metaalmaatskappy in Kraaifontein in Kaapstad verhoed het.

“Die polisie het Dinsdag omstreeks 11:00 ʼn wenk ontvang oor verdagtes in vier voertuie wat op pad is om SA Metal in Industrialweg te beroof,” het kol. Tembinkosi Kinana, woordvoerder van die polisie, gesê. “Die polisie het ondersoek ingestel en een Honda Jazz op die perseel aangetref. ʼn Blou Citi Golf was buite die perseel geparkeer.”

Die ses verdagtes is aangekeer toe hulle wou vlug.

“Die polisie het ʼn 9 mm-pistool in een van die voertuie gevind. Die Citi Golf is verlede maand in Elsiesrivier gesteel en die silwerkleurige Honda Jazz is in Somerset-Wes as gesteel aangemeld,” het Kinana bygevoeg. Die polisie het die twee voertuie gekonfiskeer.

Die ses persone sal in die hof verskyn op aanklagte van, onder andere, die besit van gesteelde voertuie en ʼn ongelisensieerde vuurwapen.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

Een kommentaar

CHRISTA ·

10/10 vir die polisie. Ek hoop ons regstelsel gaan ook SY kant bring!!!

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.