Polisie gaan uitstaande sake in Eldoradopark bekyk

Die minister van polisie, Bheki Cele, tydens ‘n besoek aan Eldoradopark in Gauteng. (Foto: Henk Kruger/ANA)

Die minister van polisie het Donderdag onderneem om ʼn sogenaamde kliniek vir onopgeloste sake op die been te bring, ná ʼn hulpkreet uit die gemeenskap van Eldoradopark.

Bheki Cele was lid van ʼn paneel wat ook bestaan het uit die LUR vir gemeenskap en veiligheid in Gauteng, Faith Mazibuko, die Gautengse polisiehoof lt.genl. Elias Mawela, asook die nasionale polisiehoof, genl. Khehla Sitole. Hulle het ure lank geluister na roerende verhale oor dwelms, verkragting, korrupsie en geweld teen inwoners van dié buurt.

Angelina Williams het vertel selfs nadat haar dogter se aanvallers uitgewys is, loop hulle steeds vry rond.

“My dogter is verlede maand vyf keer in die been geskiet. Dit gaan sleg met haar. Niks gebeur [met die ondersoek] nie. Daar is steeds geen uitkenningsparade gehou nie, al het ek die name [van die vermeende aanvallers] vir die polisie gegee,” het die betraande ma vertel.

“Ek wil hê dat die saak op ʼn nasionale vlak ondersoek word, omdat ons polisie omkoopgeld aanvaar. Sy skryf tans rekordeksamen en is nog steeds getraumatiseer.”

Nóg ʼn inwoner, Fiona Adams, het gesê sy het ʼn skietery tussen haar swaer en ʼn buurman gesien wat haar kinders geweldig ontstel het.

“My kinders was nog besig om buite te speel, toe die skote skielik begin klap. Kan jy jou indink hoe die kinders moes voel? Ons vrees vir ons kinders se lewe. Ek weier om ʼn gevangene in my eie gemeenskap te wees. Júlle moet opstaan vir ons, want ons vertrou nie die polisie nie,” het Adams gesê.

Korrupsie in polisiegeledere is ʼn groot bron van kommer vir inwoners van Eldoradopark.

“Julle moet die polisiebeamptes rondskuif. Die politici kom maak ʼn ophef hier en daarna is ons weer terug waar ons begin het. Julle voel niks vir ons nie,” het Sam Sithole gesê.

“Hulle gee net om wanneer ons moet stem. Polisiebeamptes gaan in Vryheidspark op afsprake met staatsvoertuie, terwyl mense op mekaar losbrand. Hulle neem ons bloot nie ernstig op nie.”

Cele het inwoners beloof dat ʼn kantoor op die been gebring gaan word om na alle onopgeloste sake op nasionale, provinsiale en plaaslike vlak te kyk, sodat die betrokkenes afsluiting kan kry.

“Dit is ʼn jammerte dat dit ons so lank geneem het om hier uit te kom, maar ek is eintlik bly, want anders is ek beskuldig van stemwerwery. Elke keer dat ons die mense van Eldos besoek, wil hulle misdaad aanmeld.

“Ek doen nou ʼn beroep op die gemeenskap om saam te staan, julself te organiseer en saam te werk. Daar is ʼn lang lys van uitstaande sake, so ons nooi almal om hulle verhale te vertel.”

Hy het inwoners ook gevra om die name te verskaf van polisielede wat hulle van korrupsie verdink.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

25 Kommentare

Andre ·

Minister, ek wil graag weet waar julle die dosiere gaan kry om na te kyk.

PPP ·

Nee man ons maak gou gou n ander dosier oop sodat na n jaar nie meer nodig is om te vervolg nie, lekker man

Pieter ·

Nee broer hier kyk die klomp na mekaar ek glo nie eers hy het graad twee op skool gehad nie hehe

Stelling ·

Maroela, wat is dit met die foto van die minister. Lyk amper asof hy vliee vang. Goeie illustrasie van sy karakter… Hehehe

Swanna ·

Stelling ek wou ook dieselfde kommetaar lewer maar ek dink hy nang dalk brommers HI HI HE HE HA HA!!!!!!!!!!

aj ·

Bewapen en beskerm jou SELF!

Niemand gaan jou beskerm nie!

Die ANC regering is jou vyand … en dis belaglik om te verwag jou vyand jou sal beskerm.

Wat nou gebeur is wat in revolusionêre praktyk bekend staan as die GROOT HERVERDELING van RYKDOM. In SA verloop dit volgens ‘n baie slinkse strategie.

Rykdom word nou ‘geskuif’ vanaf die “‘have’s’ na die ‘havenot’s” sonder dat die ANC daarop beslag hoef te lê (dit sal die internasionale wêreld ontstel!) … eenvoudig deur die regstelsel te verlam.

Deur die regstelsel te verlam ‘beweeg’ die rykdom vanself vanaf die rykes na die armes … en ‘geen haan gaan daaroor kraai nie’!

Die ANC regime pleit kamtig ‘magteloos’ om die misdaad stop te sit … terwyl dit in der waarheid hulle fyn beplande strategie is.

Cele bewys ‘lippediens’ aan die ‘arme misdaadslagoffers’ terwyl sy kaders
meedoënloos besig is om die ‘rykdom’ van hande te laat verwissel.

Fyn beplan! Geen onbeholpenheid on onbevoegdheid hier ter sprake nie. Dit is net die ‘skyn’ wat voorgehou word om die slagoffers en die internasionale wêreld te mislei (om sterk weerstand te voorkom).

Bose komplot!

Johan Jooste ·

Tot en met daar nie drasties iets aan die sake gedoen word nie, is ek oortuig dis net nog ‘n “clutch” and “grip” strategie om kamtig te gryp en uit te sorteer as die druk aan is, om maar weer te laat los as al die media belangstelling weg is! Goeie deurdagte tegniek, bewys ons verkeerd en doen iets…

Vries Polies ·

Ek is normaalweg gekant daarteen dat die media moedswillige fotos gebruik. Hierdie een spreek egter boekdele en behoort ‘n prys vir “realistiese weergawe van prestasie” te wen.

Willehond ·

Gaap! Ai, die mense kan tog so kla oor n paar honderd moorde. Gaap!

Wondermaarnet ·

Dit lyk soos iets uit ‘n horror movie – Freddie Kruger?

@Wondermaarnet ·

Beste kommentaar. Wou sê die skepsel herinner aan iemand, toe slaan jy die spyker op die kop.

Willie ·

Die Gaap is die algemene kenteken van die SAPD, o ja en miskien a polisie badge..

Andre ·

Hulle het geen benul hoe om misdaad te bekamp of ondersoek nie
maar staan op n podium en probeer gesig koop. Die minister is nie
nodig om in n probleem area oog te wys nie, stuur bekwame mense
na die gebied wat nie net praat nie maar doen en die vertroue van die
mense kan wen.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.