(Argieffoto ter illustrasie: Maroela Media)
Vervalste R100- en R200-note ten bedrae van meer as R2 miljoen is by ʼn man in die weste van Pretoria gevind.
Kapt. Mavela Masondo, Gautengse polisiewoordvoerder, sê die man en nog ʼn man het Vrydag by ʼn gastehuis in die stad aangekom waar hulle ʼn bespreking gehad het.
Volgens die polisie het die gastehuis die polisie ontbied nadat hulle agterdogtig oor die twee mans geraak het.
Polisielede is na die gastehuis waar een van die mans summier die hasepad gekies het.
Sy vermeende makker is met die R100- en R200-note betrap. Die geld was alles vervals.
Masondo het gesê die verdagte is aangekeer vir die besit van vervalste geld. Hy verskyn na verwagting Maandag in die hof.
Daar is nie kortpaaie vir ryk word nie !
“Call Saul” voor jy akkies aanjaag.
Wat sal die skelms nog uit dink? Nee genade mens werk vir jou geld
Sou wonderlik wees as die SAPD lede wat so graag mense vir omkoopgeld vra hiermee betaal kan word :-)
Die groot koppe kom altyd weg .
Sou nie omgegee het vir so n ou gelukbringertjie nie vervals of nie.So nou wragtig handig te pas gekom het