Polisie maan motoriste: Wees gewaarsku

Foto: Gautengse departement van verkeersveiligheid, Facebook

Suid-Afrika se adjunkminister van vervoer, Sindisiwe Chikunga, het Woensdag motoriste landwyd gemaan om ekstra waaksaam te wees wanneer hulle oor die langnaweek reis.

Chikunga het gesê die verkeer op paaie sal na verwagting drasties toeneem tussen Vryheidsdag op 27 April en Werkersdag op 1 Mei.

“Niemand is veronderstel om te sterf bloot omdat die paaie besiger is oor langnaweke nie. Tog gebeur dit telkemale in Suid-Afrika. Meer as 200 mense is tydens Paasfees op SA paaie oorlede – 75 meer as verlede jaar. Ons moet saamwerk en nie toelaat dat mense so roekeloos is nie.”

Chikunga het ook gesê diegene wat die wet verontagsaam, moenie onder die indruk verkeer dat hulle die verkeerspolisie kan omkoop nie.

Dit volg nadat ʼn 51-jarige senior verkeersbeampte van die Nelson Mandelabaai-verkeersdepartement Woensdag in hegtenis geneem is op aanklag van omkopery.

Daar word beweer dat die beampte R200 van ʼn motoris gevra het om nié ʼn boete uit te skryf nie.

Die verkeersbeampte het vinnig in die hof verskyn en sal op 24 Mei hoor wat die beslissing is.

Brig. Laurence Soekoe, woordvoerder van die polisie, het gesê motoriste moet twee keer dink wanneer hulle padreëls oortree. “Die inhegtenisneming bewys daar is gevolge vir onetiese en onprofessionele optrede deur wetstoepassers. Die Suid-Afrikaanse polisiediens is daartoe verbind om te verseker dat korrupsie en omkopery die nekslag toegedien word.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

20 Kommentare

jongste oudste gewildste
Hariette

Verkeerspolisie het my man afgetrek en R300 geeis in Ellisras laas week. Ek dink omdat ons toeriste was met n vreemde nommerplaat is hy getarget.

Hennie

Baie mense weet bv. nie dat hulle sperstrepe moet gehoorsaam en ook nie verby ander motors moet steek by blinde draaie en blinde hoogtes nie. In plaas van waarskuwings wat op dowe ore val, waarom begin verkeerspolisie nie om die publiek op te voed nie?? Daar is baie maniere om dit te doen, waarom neem hulle nie sulke aksies nie??

Leendert

Polisie is nou net net in Coligny in beheer nie, maar hulle het nou ook beheer van die paaie oorgeneem.

Johann Marx

‘n Jong bestuurder neem +/- 10 lesse om K53 te bemeester vir die “groot toets”. Daarna word hy losgelaat tussen 30 miljoen mense wat nie ‘n “clue” het van padreëls, padgedrag of die gevaar van motorbestuur nie. Binne ‘n week is hy of sy omring van mense wat nie stop by rooi verkeersligte nie, links verbysteek, u-draaie maak, sperstrepe ignorer, bane verwissel sonder enige aanduiding, ry asof alle paai die Autobahn is, nie verstaan wat “volg-afstand” beteken nie…..en ons verwag daardie jong mense moet aanhou K53 toepas?

MS

Vanoggend in Pta tussen Eufees en Jean laan wat ‘n 100 zone is, is daar ‘n rooi BMW verby my wat seker +- 180 kmp gejaar het. Daar was by elke brug ‘n kamara gewees, maar dit het hom/haar glad nie gepla nie.