‘Polisie moet grondbesetters arresteer’ – Ramaphosa

Pres. Cyril Ramaphosa. Foto: GCIS

Die polisie moet mense wat grond onwettig beset, dadelik arresteer, sê pres. Cyril Ramaphosa.

Ramaphosa het vanmiddag tydens vraetyd in die parlement in reaksie op ʼn vraag deur die VF Plus se leier, dr. Pieter Groenewald, gesê die polisie kan nie net hande gevou staan en kyk hoe grond beset word nie.

“Ons sal nie grondgrypery duld nie. Die polisie moet skuldiges dadelik arresteer. Die wet moet in stand gehou word,” het Ramaphosa gesê nadat Groenewald die gebrek aan polisie-optrede die naweek tydens grondbesettings in Midrand in die Nasionale Vergadering geopper het.

Ramaphosa het gekies om nie te reageer op Groenewald se oproep dat die president toegee dat wit boere hul grond eerbaar bekom het en hardwerkend is nie. Die president het wel gesê dat wit mense nie moet bang wees en weer blikkieskos opgaar soos wat sommige bang mense tydens die 1994-verkiesing gedoen het nie.

Groenewald se vraag was ʼn opvolg op ʼn vraag waarin die DA-leier, Mmusi Maimane, vir Ramaphosa gevra het om sy siening oor grondbeleid omvattend uit te stippel.

Ramaphosa het gesê grond is ʼn ekonomiese bate en ʼn teken van menswaardigheid. Hy het aangevoer die ontneming van grond van swart Suid-Afrikaners is die plaaslike politiek se “oersonde” en dat dit reggestel moet word.

Ramaphosa het eienaarskap van die mosie wat die Nasionale Vergadering twee weke gelede oor die grondkwessie geneem het, vir die ANC opgeëis en sy eie draai op die bal gesit deur aan te voer daar is glad nie besluit om die grondwet te verander nie.

Die president het daarop klem gelê dat ʼn deurdagte diskoers voor die deur is waarin kenners van die landbou en die ekonomie belangrike insette sal lewer en waarin die ekonomie en voedselproduksie nie geraak sal word nie.

Dit het tot beskuldigings uit die DA-banke gelei dat Ramaphosa rondval en teenstrydige beloftes maak.

Maimane het uitgewys dat onteiening sonder vergoeding nog nêrens in die wêreld gewerk het nie en dat dit onnodig is om die grondwet te verander om grondhervorming te laat slaag.

Ramaphosa het Maimane genooi om, soos alle Suid-Afrikaners, by die gesprek betrokke te raak en het belowe daar is geen swart gevaar wat mense se eiendom wil vat nie.

Terselfdertyd is dit noodsaaklik dat die lot van arm Suid-Afrikaners verbeter word, aldus Ramaphosa.

Die EFF-leier, Julius Malema, is nie die geleentheid gegee om ʼn inset oor die grondkwessie te lewer nie, wat hom baie kwaad gemaak het.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

41 Kommentare

jongste oudste gewildste
Rynhardt

Ramaphosa speel die hele parlement met sy gladde pratery dat grond nie onwettig mag besit word nie.Wat is onteiening sonder vergoeding,president??Die Anc gebruik die EFF om sy vuilwerk te doen met plaasbesettings.Vanaabd op SABC nuus praat hy alweer van handjies vat.Vir 24 jaar het ons nie n toekoms deurdat handjies gevat word,terwyl grondonteiening nou voorle!Ramaphosa dit is net naiewes wat vir u mooi pratery val!

Ekke

Trots op jou President Ramhaphosa. mag huis eienaars betreedees maar skiet. ?Geen mens het reg om n ander mens.se yard te betree nie ?

Manie Strydom

Die mense in Suid Afrika is al so gebreinspoel hulle glo alles wat die BEE opertunis hulle voer wees versigtig hy gaan julle byt as dit die minste verwag word.

Coen

Hy sê arresteer ,ons vra hoeveel is al gearesteer? Talk is cheap maar money ……………. vertrou die ou net soveel as wat malema vertrou kan word.

Werner

Ramaphosa probeer almal paai paddas is wakker hoor glo nie n woord wat hy se nie as malema kans gekry het om te praat sou ons presies gehoor het hoe hulle beplan om die grond te vat