Polisie nooi oud-beamptes om terug te kom

Argieffoto: SAPD / Facebook

Argieffoto: SAPD / Facebook

Die Suid-Afrikaanse Polisiediens het Maandag gesê ʼn heraanstellingsproses is goedgekeur vir 2016/17.

Lt.genl. Khomotso Phahlane, waarnemende polisiekommissaris, het gesê die besluit is geneem om kapasiteit te skep vir gespesialiseerde afdelings soos die speurdiens, sigbare polisiëring, honde-eenheid, openbareorde-polisie en ondersteuning.

“Die heraanstellingsproses sal slegs van toepassing wees op die 2016/17- finansiële jaar en ons wil graag voormalige beamptes aanstel in range van konstabel tot kolonel, afhangende van die rang waarin hulle die SAPD verlaat het,” het brig. Vish Naidoo, woordvoerder van die polisie, gesê.

Naidoo het gesê die SAPD het reeds advertensies op sy webwerf se loopbaan-afdeling gepubliseer.

“Voormalige beamptes moet in gedagte hou dat hulle gekeur sal moet word, waaronder ʼn sielkundige assessering, vingerafdrukke, verwysings wat nagegaan word, mediese rekords en vorige SAPD-werknemersrekords,” het hy bygevoeg. “Slegs voormalige beamptes wat ʼn skoon rekord en goeie bywoningsrekord het, sal oorweeg word.”

Die aansoekers moet onder andere ook vorige polisie-opleiding geslaag het. Voormalige beamptes wat oneerbare ontslag ontvang het, afgedank is hangende ʼn tugondersoek of die diens verlaat het weens siekte, sal nie oorweeg word nie.

“Die heraanstellingsproses sal nie die normale aanstellings- of opleidingsproses beïnvloed of vervang nie,” het Naidoo bygevoeg. “Ons wil graag die beste van die beste, vorige werknemers wat baie kan bied wat betref vorige ervaring, vaardigheid en toewyding, aanstel.”

Slegs aansoeke op die voorgeskrewe vorms wat binne die spertyd ontvang word en deur middel van die advertensies op die SAPD se webwerf, sal oorweeg word.

“Tydens 2015/16 het ons 3 152 aansoeke ontvang, maar slegs 529 van die aansoekers het aan die voorgeskrewe kriteria voldoen,” het Naidoo verduidelik. “Altesaam 180 van die aansoekers is in die speurdiens aangestel, 297 in sigbare polisiëring en 52 in ondersteuning. Die groot aantal aansoeke wat ontvang is in teenstelling met die hoeveelheid aanstellings, is ʼn aanduiding dat die proses fokus op kwaliteit, nie kwantiteit nie.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

41 Kommentare

jongste oudste gewildste
Lance

Kon eers nie vinnig genoeg van die mense ontslae raak nie …nou dat die wiele afkom NOU moet hulle die kole uitkrap …BLY WEG …dis n GROOT gemors !! Its a hot steamy mess !!

maritz

Hoekom se hulle net nie hulle soek al die wit manne terug nie .

Maria van Dieweeck

Is dit nie beter vir ons nie?

Tjopper

Hoekom spesifiseer hulle nie ras nie, het hulle ooit voertuie ens. Ja ek wonder wat dink hulle vaan hulle regkry?

pat aldrich

Sodat hulle net weer kan diskrimineer en nie bevordering kry nie. Soek weer backup teen die onbevoegdes.