Polisie ondersoek kind se dood

misdaad-polisie-crime-scene-kent-williamson-5

Argieffoto: Kent Williamson

Die Limpopo-polisie het ʼn ondersoek van stapel gestuur nadat ʼn vyfjarige meisie dood by ʼn plaaslike skool aangetref is.

Lt.kol. Moatshe Ngoepe, provinsiale polisiewoordvoerder, het gesê die meisie se liggaam is by Mutsha Primary School in die Thondoni-nedersetting in Levubu aangetref.

“Die meisie was in graad R by die skool en het na bewering op die skool se perseel geloop toe sy met ʼn ontblote elektriese kabel in aanraking gekom en doodgeskok is,” het Ngoepe gesê. Die meisie, Vhuthuhawe Madala, is op die toneel dood verklaar.

Die polisie doen ʼn geregtelike doodsondersoek. Niemand is nog in verband met die voorval in hegtenis geneem nie.

 

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

2 Kommentare

Pippie Langkous ·

Ek sal hoop hulle doen ‘n volledige ondersoek – Vra die beheerliggaam wat hulle omrent hierdie kabel gedoen het? Seer sekerlik moes onderwysers wat diens doen al sulke dinge gerapporteer het. RIP

Shame ·

Dankie tog daar is nie weer ‘n boer by betrokke nie . as dit die regering of munisipaliteit is behoort daar niks van te kom nie. Dis terrible dat ‘n jong kind haar lewe moet verloor op so ‘n wyse.

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.