Polisie ondersoek steeds skokvideo van hond

‘n Skermskoot uit die video.

Die polisie in die Wes-Kaap ondersoek steeds die voorval waar ʼn polisievangwa oor ʼn hond in Elsiesrivier in Kaapstad gery het.

Kringtelevisiebeeldmateriaal van die voorval is wyd op sosiale media versprei. Dit wys hoe die polisievoertuig doodluiters oor die hond ry. Dit wil voorkom of die hond in die pad gelê en slaap het. Dit lyk ook of die hond ná die voorval probeer opstaan het.

Brig. Sandile Sonjani, bevelvoerder van die Elsiesrivier-polisiestasie, het aan News24 gesê die polisiebeampte wat glo betrokke was, is geïdentifiseer en ʼn tugverhoor sal gehou word. Maroela Media het met Sonjani probeer kontak maak, maar sonder welslae.

Lt.kol. Andrè Traut, provinsiale polisiewoordvoerder, het wel gesê die omstandighede rakende die voorval word steeds ondersoek. “Dit word strafregtelik en departementeel ondersoek en niemand is al aangekla in verband met die voorval nie.” Traut wou geen verdere besonderhede bekend maak nie.

Die Bond teen Wreedheid teenoor Diere (AACL) het intussen gesê hy gaan voort met strafregtelike klagte teen die mens(e) wat by die “afskuwelike daad” betrokke was. Volgens die organisasie werk hy ook nou saam met die DBV van die Kaap van Goeie Hoop om die saak stukrag te gee.

“Ons inspekteurs werk saam met die polisie en alle nodige stappe sal gevolg word. Die hond in die video moes ongelukkig van kant gemaak word. Hy het verskeie bekkenfrakture opgedoen wat onherstelbaar was,” het die organisasie gesê.

“Die AACL neem met afgryse kennis van alle dade van wreedheid, maak nie saak wie dit is nie. Ons sal alles in ons vermoë doen om te verseker dat daar op die korrekte wyse met die oortreder(s) omgegaan word.”

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

42 Kommentare

jongste oudste gewildste
Lollie

Gewetenloos en gevoelloos! Dit is nou die mense wat almal moet beskerm! Maak van hulle goeie voorbeelde en laat hulle by die DBV gaan werk. Dit is natuurlik net deel van hulle straf, hulle moet ń ordentlike straf by dit kry!!!!

Han

Wat gaan aan met die mensdom? Menslikheid en beskaafdheid is vir vele by die agterdeur uit!

Wat???

Hoe kan n mens so iets doen? My hart breek! ?

Anita Schoeman

Die uniform wets toepasser is en voel hul is die wet en het die mag om te maak en breek soos hul wil.

USELESS

JA O HEL hulle is te SLEG om die ouens op te spoor, jy sal vir hulle die registrasie nommer bring, die DOOIE hond die VIDEO en die ou wat dit gedoen het en STEEDS sal hulle nie genoeg BEWYSE he om die man aan te kla nie, en nog beweer omdat die hond probeer opstaan het NA die slag hy heel OK was .. so hulle het hom nie doodgery nie . LOS DIT MAAR NET . die dier is in elk geval dood en julle voel niks vir MOORDE in SA op mense nie wat nog te se… Lees meer »