Polisie se Jhb-lugvleuel sit sonder helikopters

(Argieffoto)

Die polisie se lugvleuel in Johannesburg se enigste twee werkende helikopters staan al maande lank in onbruik.

Die Gautengse wetgewer se portefeuljekomitee vir gemeenskapsveiligheid het onlans ʼn oorsigbesoek aan die lugvleuel gebring. Kobus Hoffman, ʼn VF Plus-lid van die Gautengse wetgewer, het gesê die helikopters staan al onderskeidelik elf en drie maande lank by ʼn lugvaartmaatskappy in Midrand, waar dit vroeër gediens is.

Hoffman het gesê dit blyk dat die maatskappy nog nie vir die werk aan die helikopters betaal is nie.

“Polisiehelikopters [van die Johannesburgse lugvleuel] het van 1 April verlede jaar tot 31 Januarie vanjaar ʼn totaal van 236,4 vliegure bestee om misdaadtonele te besoek en ʼn verdere 9,9 uur aan misdaadvoorkomingsoptredes. In die proses is sowat R58 miljoen se gesteelde goedere teruggevind,” het Hoffman gesê.

Volgens hom sit die vlieëniers en bemanningslede by dié eenheid nou ledig omdat daar nie helikopters is om mee te vlieg nie.

“Die VF Plus is bekommerd oor die lugvleuel wat nie operasioneel is nie. Dié eenheid speel ʼn onmisbare rol in die bekamping van transito-rooftogte wat veral in Gauteng hoogty vier. Die wanbestuur van polisiehulpbronne en die ondermyning van die gemeenskap se reg op veiligheid kom neer op verraad,” het Hoffman gesê.

Hy het gesê die VF Plus is bekommerd dat die Gautengse polisie geld vermors en nie sy verantwoordelikheid nakom wat betref die onderhoud van sy helikopters nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

24 Kommentare

jongste oudste gewildste
Johan

Die ANC se nuwe slagspreuk moet wees : “we don’t pay”

Arno Scheepers

Met ander woorde hulle is nou JHB se sitvleuel.

DT

Die SAPD kort dringende ingryping. Raak ontslae van sommige van te veel generaals.

JK

Dit is so jammer om als te sien agteruit en tot niet gaan wat voorheen wonderlik gewerk het

Scalla

Ongelukkig werk Fly now, pay later nie in die privaatsektor nie, wat n skande.