Video: Polisie, studente raak slaags by Wits

Foto: @Ndibza001/Twitter

Foto: @Ndibza001/Twitter

Polisiebeamptes het Dinsdag skokgranate op betogende studente van die Universiteit van die Witwatersrand (Wits) afgevuur nadat hulle veiligheidswagte met klippe bestook het.

Verskeie studente is Dinsdagoggend in hegtenis geneem waarna ander studente van die Braamfontein-kampus na die onderwys- en mediese kampus in Parktown beweeg het. Wits het studente hierna versoek om weg te bly van die Grootsaal nadat veiligheidswagte, polisiebeamptes en betogende studente slaags geraak het.

Die betogende studente het klippe na die veiligheidswagte en beamptes gegooi en ook brandblussers uitgespuit. Universiteitseiendom is ook tydens die voorval beskadig. Die studente het hierna na Solomon Huis beweeg waar ʼn massavergadering tans plaasvind.

Verkeer is vroeër Dinsdag erg ontwrig rondom die kampus. Wits het intussen nog nie akademiese bedrywighede opgeskort nie.

Protesaksies het Maandag by universiteite regoor die land uitgebreek ná Blade Nzimande, minister van hoër onderwys, se aankondiging oor studiegeld vir 2017. Nzimande het vroeër gesê universiteite kan self oor die verhoging in studiegeld vir 2017 besluit.

Die video is deur Constant King op YouTube gelaai:

https://youtu.be/pfsucBIuots

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

10 Kommentare

jongste oudste gewildste
Jakes

Nee man Sapd, jul kan nie so optree!
Die studente voer hul REG uit.

Manie Schoeman

Ek sou wat wou gee om aan ‘n universiteit te studeer. Het later op eie koste deur afstandsonderrig my kwalifikasies verbeter. Diegene wat wel die voorreg het wil alles vernietig. Dit is die leiers en meningsvormers van more. Bou nou ‘n nasie..

zim

Lyk soos Harare

abba

Ek verwag niks minder van die “slim” mense nie.Daar is geen mentaliteit nie.

Rynhardt

Studente het by Wits die polisie uitmekaar gegooi met klippe! Van die polisie het gevlug! Dinge gaan al erger raak! DeKlerk plus oud natte asook Hartzenberg en genl.Viljoen, dit is die nuwe SA wat jul saam met Anc geskep het, n SA van chaos!!!