Polisie waarsku teen dié snelweg

Argieffoto

Die Johannesburgse metropolisie (JMPD) het Dinsdag sy snelweg-eenheid ontplooi om die N12 Noord en Suid naby Lenasia te patrolleer nadat hulle inligting ontvang het dat motoriste deur misdadigers geteiken word.

Luyanda Longwe, woordvoerder van Michael Sun, Johannesburgse burgemeesterskomiteelid vir openbare veiligheid, het gesê patrollies word nou verskerp op ʼn gedeelte van die snelweg omdat oortreders voertuie op die pad glo met klippe bestook. “In sommige gevalle word klippe selfs van die brûe af gegooi,” het Longwe gesê.

Wanneer die voertuie dan tot stilstand kom, word die insittendes beroof en aangeval.

“Inwoners en motoriste moet waaksaam wees en enige verdagte aktiwiteite by die JMPD (011 375 5911) of die SAPD (10111) aanmeld,” het hy gesê.

“Die JMPD sal saam met ander wetstoepassingsagentskappe werk om seker te maak dat die skuldiges aan die pen ry. Ek doen ʼn beroep op die publiek om na vore te kom met enige inligting wat kan help om hierdie misdadigers vas te trek,” het Longwe gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

4 Kommentare

Alida ·

Liewe hemel tog hoe moet ons by die werk kom? Die mense het mal geword.

Wagter ·

Hoekom sal jy tot stilstand kom as jy met iets gegooi word… dan moet jy juis vet gee en weg kom, veral op ons snelwee, as jy n pap band het en jy moet hom om draai dan bid jy dat jy dit gaan kan reg kry sonder om beroof te word, maak nie saak waar jy is

Chris ·

Ons hoor jou Wagter(wagter nogal) Hoekom het julle mense nie al vuurwapens en goeie opleiding om dit te gebruik nie?

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.