Polisie, weermag volgende ingeënt

(Argieffoto: Unsplash)

Lede van die Suid-Afrikaanse Polisiediens, sekuriteitswerkers en die weermag sal vanaf volgende week teen Covid-19 ingeënt word.

Richard Mamabolo, woordvoerder van die vakbond Popcru, het Dinsdag aan Maroela Media bevestig dat die polisiediens en ander veiligheidspersoneel vanaf 5 Julie hul inentings sal ontvang.

“Omdat beamptes onder onbeheerde omstandighede werk, is hulle baie kwesbaar vir die virus. Voordat verder van hulle verwag word om die verspreiding van die virus hok te slaan, moet hulle die nodige inentings ontvang om hulself te beskerm,” het Mamabolo gesê.

Die Suid-Afrikaanse Nasionale Redakteursforum (Sanef) het intussen aangedui dat die regering ook die inenting van joernaliste sal prioritiseer. Dié organisasie het Dinsdag in ʼn verklaring gesê hy verwelkom die regering se besluit om joernaliste te prioritiseer in die volgende fase van die nasionale inentingsprogram. Dié sektor sal na bewering kort ná die polisiediens, weermag en personeel van korrektiewe dienste ingeënt word.

Volgens Sanef het die regering hulle Maandag meegedeel dat joernaliste volgende aan die beurt gaan kom om Covid-19-inentings te ontvang. Dié program sal afskop sodra alle mediahuise hul werknemers se persoonlike inligting, ouderdomsgroepe en die streek waarin hul werk ingedien het.

Alle gemeenskapsmedia-instansies reg oor die land, onder wie vryskutjoernaliste, sal ook vorms ontvang wat hulle aan die regering se kommunikasie- en inligtingstelsel (GCIS) moet stuur.

Business Insider het vroeër die maand berig dat die mynbousektor en minibustaxibestuurders ook kort ná lede van die polisie hul inentings sal ontvang.

“Die minibustaxi-bedryf vervoer daagliks duisende mense en stel hulself, kondukteurs en die pendelaars wat in die minibustaxi’s vervoer word, in gevaar,” het dr. Barry Kistnasamy, ʼn verteenwoordiger van die gesondheidsdepartement aan Business Insider gesê.

Kistnasamy het gesê die finansiële, eiendom-, vermaak- en kommunikasiesektor (wat joernaliste insluit) word deur die regering as laeblootstellingsrisiko-sektore beskou. Dié sektore word nie beskou as ʼn sosio-ekonomiese noodsaaklikheid nie, wat beteken dat hulle moontlik laaste in die ry gaan wees om die entstof te ontvang.

Nietemin het Sanef reeds in Januarie vanjaar die nasionale Covid-19-bevelsraad versoek om joernaliste op die lys van noodsaaklike werkers te sit, sodat hulle as sodanig in die volgende fase van die inentingsveldtog geprioritiseer moet word.

“Joernaliste het, soos baie ander noodsaaklike werkers, die afgelope paar maande hul lewens in gevaar gestel om hul verantwoordelikheid teenoor die publiek na te kom. Hulle het van hospitale na klinieke, inentingspersele en massa-byeenkomste gegaan om akkurate beriggewing aan die publiek te verskaf oor die stand van sake in die land,” het Sanef gesê.

Sanef het ʼn beroep op alle media-instansies gedoen om die inenting met ywer te ontvang sodat die regering na die volgende prioriteitsektor kan beweeg.

Intussen wag ander sektore, soos sentrums vir vroeë kinderontwikkeling, ook nog vir duidelikheid van die departement van maatskaplike ontwikkeling of werkers by dié sentrums, soos onderwysers, ook entstofprioriteit gaan geniet.

Deel van: SA-nuus

Koronanuusbrief

Wil jy op hoogte bly van alle nuus oor Covid-19 op Maroela Media? Teken in op die nuusbrief.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

26 Kommentare

jongste oudste gewildste
LANNE

“Why most people who now die with Covid in England have had a vaccination.”
Soveel as 43%! Lees self die artikel op “The Gaurdian”

Regtigegtig

Ek weet nou al van 3 mense wat dood is na hul die inenting gekry het en een wat n beroete gehad het. En n hele ouetehuis wat doodlik siek is na inenting.

Fedup

Rather them than me. Me and my husband survived this virus without that vaccine. Keep it, we are not interested at all.

Koos

Ek sien vals informasie is weer groot vandag

Koos

Ken baie mense wat inenting gehad het, myself inkluis nie ‘n enkele een siek nie