Konst. Sibongile Soci, woordvoerder van die polisie, het gesê die 32-jarige konstabel is glo Saterdagoggend omstreeks 01:00 deur vyf verdagtes uit ʼn telefoonhokkie gesleep en aangerand.
“Hy is verskeie kere in die bolyf geskiet en is op die toneel dood.” Soci het gesê dit is nog nie duidelik of die beampte beroof is nie. Die beampte se bakkie was glo langs die telefoonhokkie geparkeer. Sy het gesê daar is gepoog om by die bakkie in te breek.
Volgens Soci ondersoek die polisie ʼn saak van moord en niemand is nog in verband met die voorval in hegtenis geneem nie.
Lt.genl. Celiwe Binta, provinsiale polisiekommissaris, het die moord ten sterkste veroordeel. “Enige persoon wat ʼn polisiebeampte aanval of vermoor sal die volle mag van die wet in die gesig staar. ʼn Aanval of moord op ʼn polisiebeampte is ʼn bedreiging vir ons grondwetlike demokrasie en beroof ons gemeenskappe van hul beskermers,” het Binta gesê.
watter beskermers?
Ekskuus tog, dit is elke landsburger se reg om veilig te wees en nie uitgemoor, verkrag of aangerand te word nie.
Vervang polisiebeampte x2 met boer en beskermers met voedselvoorsieners en siedaar is moord op ons boere tot prioriteitsmisdaad verklaar. Kan dit waaragtig so moeilik wees om in te sien. Polisiebeamptes is opgelei en gewapen om misdaad te beveg – ons boere moet werk en voedsel voorsien – wat is die keuse?????
van waneer af is polisiebeamptes se lewens meer belangrik as enige iemand se lewe wat van ons gewone mense
van waneer af is polisiebeamptes se lewens meer belangrik as enige iemand se lewe wat van ons gewone mense