Polisiebeampte deur sy bevelvoerder doodgeskiet

misdaad-polisie-crime-scene-kent-williamson-5

Argieffoto: Kent Williamson

ʼn 31-jarige polisiebeampte wat in ʼn sakeroof in KwaZulu-Natal betrokke was, is deur sy bevelvoerder doodgeskiet.

Kol. Thembeka Mbhele, woordvoerder van die polisie, het gesê die beampte en ʼn medepligtige het Woensdag ʼn onderneming in Durban beroof en per motor op die vlug geslaan.

“Veiligheidswagte het agter hulle aangejaag en kon daarin slaag om hulle vas te trek. Die gesteelde goedere en toerusting wat gebruik word vir rooftogte is in hul besit gevind,” het Mbhele gesê.

Die polisiebeampte, wat aan die Sydenham-polisie verbonde was, se bevelvoerder is daaroor ingelig. Die bevelvoerder het die beampte na laasgenoemde se huis in Westville vergesel om beslag te lê op sy vuurwapen.

“Die verdagte [polisiebeampte] kon daarin slaag om sy vuurwapen in die hande te kry en het dit op die bevelvoerder gerig. Die bevelvoerder het toe glo in die rigting van die verdagte geskiet en hom noodlottig gewond,” het Mbhele gesê.

Bheki Langa, die waarnemende provinsiale polisiekommissaris, het gesê hulle was teleurgesteld om vas te stel dat ʼn polisiebeampte betrokke was by misdaad. “Dit is jammer dat hy sy lewe verloor het as gevolg daarvan.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

19 Kommentare

jongste oudste gewildste
Lourens

Ek ruik n vis

Wonder maar net

Ek wonder maar net hoekom die bevelvoerder self hom vergesel het……was daar ander beamptes teenwoordig? Ek beskuldig niemand van niks nie maar kan nie help om te wonder nie, aangesien die polisieman nou klaar uitgevang was, was hy nie dalk nou n risiko om ander sondes uit te lap nie? Deesdae kan niks ons meer verbaas nie…

Nico

Slang in die gras hoekom nie geboei nie

Johannes van Rooyen

Dis soooo mooi

Cherokee

Wat werklik daar gebeur het kon nie praktie so gebeur het soos vertel nie want ‘hy kon daarin slaag om sy vuurwapen te kry’ (dit is tog waarom hulle na sy huis gegaan het) en as hy die vuurwapen op sy bevelvoerder gerig het net om daarna geskiet te word deur die bevelvoerder moes laasgenoemde waarskynlik ‘n vuurwapen gereed gehad het. Die berig soos vertel is vol gate.