(Argieffoto: SA Polisie)
ʼn Polisiebeampte wat glo op sy bure se huis in Seshego in Limpopo losgebrand en ʼn 16-jarige kind doodgeskiet het, is Vrydag in hegtenis geneem.
Ndileka Cola, woordvoerder van die onafhanklike polisieondersoekdirektoraat (Opod), sê dié eenheid ondersoek nou die voorval.
Die polisiebeampte het wakker geword weens swaar reën en water wat by sy kamer ingestroom het. Hy het glo iemand gevra om hom, sy vrou en hul kind te kom oplaai en na Lethulipark te neem, het Cola gesê.
Toe hierdie persoon by die huis aankom, het die polisiebeampte glo sy vrou en kind na die voertuig geneem. Hy is daarna terug na die huis, waar ʼn vrou en haar 16-jarige dogter ʼn kamer huur.
Hy het na bewering verskeie skote deur hul deur afgevuur. Een daarvan het die tiener getref en sy is dood. Waarom die beampte die skote afgevuur het, is onduidelik.
Volgens Cola is die polisie na die toneel ontbied en die voorval is onder Opod se aandag gebring. Die beampte het glo reeds die vuurwapen uitgewys waar hy dit na die skietery versteek het.
Die polisiebeampte verskyn na verwagting Maandag in die Seshego-landdroshof op aanklag van moord en regsverydeling.
En môre kry hy borg
Hoe het die persoon n polisie beampte geword?
En waar is BLM en EFF nou?? Swart op swart moord?? nog ‘n jongmens vermoor en geen optogte nie!!
Wat volgende? ‘n Mens is sprakeloos!
Onopgeleide mense wat in die polisiemag is, pateties.
Nog ‘n misdadiger in polisie-uniform! Hoed moet maar kom verduidelik hoe is hul keuringsproses vir hierdie useless mense…..