Polisiebeampte voor sy huis doodgeskiet

Argieffoto

Argieffoto

‘n Polisiebeampte van die Wes-Rand is in die oprit na sy huis doodgeskiet.

Lt.kol. Lungelo Dlamini, woordvoerder van die polisie, sê lt.kol. Knox Chauke (56) is verskeie kere in die bolyf geskiet en is op die toneel dood. “Hy het inmekaargesak en is langs sy motor dood.”

Die voorval het Vrydag in Kagiso buite Krugersdorp plaasgevind. Dlamini sê Chauke, wat betrokke was by die polisie se nasionale opleidingsafdeling, was op pad werk toe en was besig om die hek toe te maak toe hy deur ‘n onbekende aantal verdagtes aangeval is.

Dlamini sê daar was geen ooggetuies nie maar dat bure glo talle skote gehoor het. Die motief vir die moord is nog nie bekend nie en die polisie ondersoek die saak.

Maroela Media het verlede week berig dat ‘n Wes-Randse polisiebeampte vir twee weke vermis was voor sy liggaam in ‘n veld in Randfontein gevind is. Lees meer hier.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

Een kommentaar

MartinLJ ·

Maak soos in Amerika – As jy ‘n Polisieman skiet, gaan jy lewens lank tronk toe.

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.