Vier polisiebeamptes bly in aanhouding ná hulle Vrydag in die Germiston-landdroshof verskyn het op aanklag van afpersing en korrupsie.
Kapt. Ndivhuwo Mulamu, woordvoerder van die direktoraat vir prioriteitsmisdaadondersoeke (die Valke), het gesê ao. Frans Nono Manyelo (52), sers. Fihlang Junior Molefe (47), konst. Matlhalela Lucas Ramalobela (35) en Lucas Malwela (34) het hulself Maandag aan die Valke oorgegee.
“Die klagtes is in Augustus 2019 by die Valke aangemeld vir ondersoek. Die verdagtes was glo aan diens toe hulle die klaer se voertuig deursoek en hom gedwing het om hulle na sy huis in Brackenhurst, suid van Johannesburg, te neem,” het Mulamu verduidelik. “Met hul aankoms is die man se huis deursoek en hulle het glo ʼn bedrag van R200 000 geëis om te voorkom dat die man in hegtenis geneem word. Hulle het hom na ʼn Shell-vulstasie op die M2 begelei waar hy gedwing is om kontant te onttrek.”
Die verdagtes is deel van Krugersdorp se blitspatrollie en Ekurhuleni-Sentraal se trio-taakspan.
“Die saak is tot Maandag uitgestel vir formele aansoek om borgtog en verdere ondersoek.”
O waar is die ou Suid Afrika.
R200 000 by ‘n vulstasie, ‘n OTM onttrek?
Ja soe wat se limit het hy op sy ATM card????????????????
Liewe genade ou cele, wie doen die “streng” keuring vir jou korrupte polisie sirkus ??? SKANDELIK MAN SIES !!!!!
Die trots van die land ….
Gulsigheid is hulle ondergang…n salaris is net nie genoeg nie…daar is duisende wat te dankbaar en eerlik die werk sal verrig