Polisiebeamptes, oudweermaglid aangekla oor FB-uitlatings

Ernst Roets, adjunk- uitvoerende hoof van AfriForum. Foto: Reint Dykema

Die burgerregte-organisasie AfriForum het strafregtelike klagte teen twee polisiebeamptes en ’n voormalige lid van die Suid-Afrikaanse Nasionale Weermag (SANW) ingedien.

Ernst Roets, adjunk- uitvoerende hoof van AfriForum, het gesê klagte van intimidasie en aanhitsing tot moord is aanhangig gemaak. Volgens Roets het die twee polisiebeamptes en voormalige weermaglid hulle tot sosiale media gewend om plaasaanvalle aan te hits en/of geweld teen boere en minderhede te verromantiseer.

Volgens Roets kan hierdie voorvalle as ’n vorm van aandadigheid deur die Suid-Afrikaanse regering beskou word en moet dit dringend die aandag van die polisie kry ten einde toe te sien dat die verantwoordelike persone vervolg word.

‘n Skermskoot

Mveleli Mogolwane Gwabeni, wat volgens sy Facebook-profiel ’n lid van die SAPD is, het op hierdie sosialemediaplatform gesê dat “ons moet voortgaan om meer van hulle boere dood te maak, om ten minste op te maak vir wat hulle aan ons gedoen het”.

Chris Gumotso, wat volgens sy Facebook-profiel by die SAPD se jeugmisdaadvoorkomingslessenaar werk, het die volgende op Facebook geplaas: “Alle wit mans verdien om te sterf in die toekoms. F*k jou mnr. wit man.”

‘n Skermskoot

Hy het ook foto’s van vuurwapens op sy polisielessenaar op sy profiel geplaas met dié aanhaling: “Ek voorspel burgeroorlog in Mzansi teen 2019. Haal uit julle gewere, vegters, want Asijiki (geen omdraaikans).”

Maj. Mageti Mohlala, voormalige lid van die SANW, is afgedank nadat hy gereageer het op Johan van Wyk se plasing op Facebook nadat sy pa, ds. Braam van Wyk (80), wreed aangeval is.

“Die aanvallers moes sy oë en tong uitgesteek het sodat die laaste gesigte wat hy ooit sou sien, dié van die moordenaars sou wees en hy na sy graf kon gaan met die nagmerrie,” het Mohlala geskryf. Hy het glo ook gesê: “Apartheid is in hom [Braam]. Al hierdie ou wit mense dink ons is onnosel as hulle sê hulle was teen apartheid gekant. Ons sal nie vergeet wat hulle gedoen het nie. Nou is dit die wit mense se beurt.”

Volgens Roets beskou hulle hierdie uitlatings in ’n baie ernstige lig en sal die organisasie die sake op die spits dryf.

“Ons is in besonder bekommerd oor die ooglopende dubbele standaarde wat toegepas word in die vervolging van persone wat rassisme pleeg of geweld of haat aanhits. AfriForum sal hierdie saak nougeset moniteer om seker te maak dat hierdie oortreders tot dieselfde omvang vervolg word.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

27 Kommentare

jongste oudste gewildste
Jacques

Ja en dit is nou diegene wat ons moet beskerm ?? Ek reken ons moet beskerm word teen sulke lede . Dit wys net vir my dat hulle dink , hulle kan die posisie waarin hulle sit gebruik om te maak net wat hulle wil .

Gerrit

Die Majoor is slegs afgedank en geen vervolging het plaasgevind nie.
Van hierdie sake sal ook niks kom nie.
Slegs weereens `n bewys watter tipe polisiediens ons het.

Vraagteken

Hierdie tiepe ouens wat agter ‘n rekenaar sit is ‘cowards’. Hulle is sterk agter ‘n skerm, maar sodra jy hom direk in die oë kyk, dan hardloop hulle. Dit geld vir mense van alle rasse.

Vraag vi roli

rollie ek dog jy se dat swart rassiste word ook soos wit rassiste vervolg, maar hoekom was hierdie nie so vluks of hoegenaamd vervolg nie ten spyte van baie klagtes? Waarom moet daat tot hierdie stappe gegaan word?

Peer

Afriforum is ook maar meer blaf as byt. Talk is cheap.