Polisiebeamptes vas vir verkragting

Argieffoto

Twee polisiekonstabels is in hegtenis geneem in verband met die beweerde verkragting van ʼn 20-jarige vrou in Upington in die Noord-Kaap.

Moses Dlamini, woordvoerder van die onafhanklike polisieondersoek-direktoraat (Opod), het gesê die beweerde verkragting het op 3 April in Paballelo plaasgevind.

“Die verdagtes, wat onderskeidelik gevestig is by die Nakop-grenspos en Kenhardy-polisiestasie in Upington, was van diens af ten tyde van die voorval,” het Dlamini gesê.

Volgens Dlamini het die vrou van Rosedale ʼn saamrygeleentheid na die dorp van die beamptes versoek. Sy ken glo albei beamptes.

“Toe hulle van die dorp af teruggekeer het, is hulle na die huis van een van die beamptes. Sy kollega het hulle in ʼn stadium verlaat, waarna die huiseienaar glo die vrou verkrag het. Die kollega het glo tydens die daad teruggekeer en die slagoffer ook verkrag.”

Die slagoffer het ʼn klag van verkragting by die Paballelo-polisie aanhangig gemaak. Sy is na ʼn hospitaal geneem waar sy deur ʼn dokter ondersoek is.

Opod het die ondersoek oorgeneem en die beamptes Woensdag in hegtenis geneem.

Die beamptes moet Donderdag in die Upington-landdroshof verskyn op aanklag van verkragting.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

3 Kommentare

Schalk van der Merwe ·

So beskerm en dien die nuwe SAPS. Hoekom dan nou misdaad bekamp?

Afrikaanse Knaap ·

Die polisie gaan nou onder Fikile erger agteruitgaan as Springbok rugby.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.