Polisiebeamptes vas vir winkelroof

Argieffoto Foto: SAPD

Kol. Jay Naicker, woordvoerder van die polisie, sê die twee beamptes, onderskeidelik 32 en 33 jaar oud, het glo ʼn winkel van ʼn onbekende bedrag kontant en lugtydbewyse beroof.

Naicker sê die polisiebeamptes het aanvanklik omkoopgeld van die winkeleienaar geëis maar hy het geweier waarna hulle die winkel beroof het. “Die twee verdagtes was in vol uniform maar het in ʼn ongemerkte polisievoertuig gery.”

Die twee polisiebeamptes sal Vrydag in die Ntuzuma-landdroshof verskyn.