Foto: SAPD/Facebook
ʼn Luitenant-generaal van die polisie en twee van haar familielede is in hegtenis op aanklag van bedrog en korrupsie.
Sontaga Seisa, waarnemende woordvoerder van die onafhanklike polisieondersoekdirektoraat (Opod), het gesê lt.genl. Adeline Shezi (49) het Dinsdag in die Pretoria-handelsmisdaadhof verskyn saam met twee familielede, Tshepo Khoza (39) en Matilda Khoza (63).
“Die ondersoek is uitgevoer in samewerking met die Nasionale Vervolgingsgesag. Shezi was die hoof van die SAPD se tegnologiebestuur, toe ʼn lasbrief vir haar en haar twee familielede uitgereik is. Hulle het in die hof verskyn op aanklag van bedrog en korrupsie ter waarde van R1 174 057,57.”
Die drie persone is vrygelaat op borgtog van R1 000 elk. Hulle moet op 7 Februarie 2020 weer in die hof verskyn.
“Opod sal voortgaan om sy pligte uit te voer sonder vrees of voorkeur en seker maak dat polisiebeamptes wat beskuldig word van misdrywe, aanspreeklik gehou word, ongeag hul rang en senioriteit.”
Kyk net weer Wie pleeg bedrog. Hoe het Hy daardie POS gekry?
Dis ‘n SY!
Maar sy is dan ‘n wetstoepasser! Dus GEEN borgtog klink beter.
Dis n storie wat jy op I’m staying op facebook moet deel.”. So bly julle is veilig. Ons dien n genadig God.
R1000?
Die bedrag wat betrokke is en die borggeld maak geen sin. En Opod se woorde waarmee die berig afgesluit word, klink soos ‘n rympie wat ‘n skoolleerling opsê.
En hoe sou jy dit dan wou gehad het Cherokee? Laat ons hoor.
Dankie vir al die nuutste nuus
Ag daar is so baie dinge wat fout is by daai Div. TMS. Van oor die 100 mense ( polisie beamptes) is nie gemagtig om ‘n vuurwapen te hanteer nie maar, niemant se vuurwapen word ontrek nie. Hulle is ‘n gevaar vir die samelewing. So ver ek weet of wat die wet sê: as jy nie kompetent is nie moet jou vuurwapen ontrek word hulle doen dit nie. Dalk moet Opod dit ook ondersoek. Niemand is veilig nie want daar is ‘n paar lede wat sielkundig nie gesond is nie. As iemand se kop uithaak en my skiet gaan die SAPD lewenslank vir my betaal.
Ai, is daar regtig geen ampsdraers in ons administrasie wat nie totaal korrup is en wat net ‘n gesonde pligsbesef, en ja, eerlikheid het nie?
Nee broer die is afrika die land het sy gaai gesien gaan orals in afrika so
Gee hulle amnestie. Hulle is seker ook kaders!
.. En wat verdien n lt. Genl?…… Blykbaar te min?
@ Coolbabana . Ek en jy sal so vyftien na twintig jaar moet werk om ‘n luitenant generaal se maandelikse salaris te verdien.
Vir ‘n polisie offisier wat in ‘n vertrouens posisie sit en bedrog pleeg is die borg hopeloos te min.Dit is duidelik dat regters NIE konsekwent optree waar dit by borg tog kom nie.Hulle redinasie vermoeens is skokkend maar nes van die’ van die anc regering.
Borg is groot klug, hoe word die bedrag bepaal?
En dit kry seker steeds volle salaris en voordele.
En toe bel iemand die polisie toe sy uitgevang word.
Die keurings proses vir polisie beamptes is seker geweldig afgewater. Hulle moet seker ook 35 % kry om hulle vakke te slaag. Miskien moet hulle ‘n vak byvoeg by die bestaande vakke by name van ‘how not to do it’ . In my dae was die keurings proses geweldig streng. Eerste ding wat aangevra is daai tyd was die polisieklaring dat jy geen oortredings het nie, dan kon jy aangaan na die volgende keurings stap. Deesdae moet ‘n outjie seker ‘n arm lange lys he van oortredings om te kwalifiseer vir die diens. Wat ‘n jammerte.
Daai geld is lankal verorber hoe gaan hul dit terug betaal …o ek sien daar word nie van terugbetaal gepraat nie…seker weer maar net “ag jul stout engeltjies ons verstaan dit ….was maar n foutjie …en als apartheid se skuld ….geen straf vir julle nie ..moet dit nie weer doen nie hoor…ons is bang vir jul unies…jul onskuldig…ons sal jou nog erkenning gee vir jou goeie dade en n goue handruk ook gee gaan sit maar by die huis nou”
Ek vererg my bloediglik as Ek sulke goed hoor.
Ek is n Saps lid. TROTS. EERLIK. En tevrede met my salaris! Hierdie karakters maak dit moeilik vir ons wat Nog ons ampte met trots beklee.
Dit verstom my dat almal n opinie het oor korrupsie…. Maar vra jouself : hoe kry hulle dit reg? Die publiek daar buite laat dit toe. Hoe verkoop jy n produk as daar nie aanvraag is nie? As jy AL ooit n blikkie Coke gegee het vir n verkeers of Saps lid om Ander pad te kyk, is jy deel van die probleem.!! Wie is Dan skuldig…. Die gewer of die ontvanger. ALBEI
Landsburgers moet sonder voorkeur of posisie gelyke behandeling ontvang. Harde wetstoepassing moet sonder bevooregting geskied. “Feedback 21 days. You will receive results within this period”. Jou posisie behoort jou van geen wandade te vrywaar nie.
R 1000 borgtog vir oor n miljoen rand sies man kry skaam vir hierdie land en hulle kriminele. Ver onderstel om n voorbeeld te wees maar ons is heel voor in die tou.
So jammer dat sulke mense al die Polisie Beamptes n slegte naam gee en dis onregverdig daar is 1000 de betroubare mense in die mag maar ons gewone mense wantrou nou elke polisie lid en dit is nie goed gaan hierdie korrupsie net nooit ophou nie???
Hulle KAN dit net nie verhelp nie!!!!