Polisiekaptein, nog 4 vas oor winkelrooftog

Van die items waarop daar beslag gelê is tydens die inhegtenisnemings. Foto: SAPD

Van die items waarop daar beslag gelê is tydens die inhegtenisnemings. Foto: SAPD

Vyf verdagtes, waarvan een ʼn kaptein in die polisie is, is Sondag in hegtenis geneem in verband met ʼn rooftog by ʼn sportwinkel in Louis Trichardt in Limpopo.

Brig. Motlafela Mojapelo, woordvoerder van die polisie, het gesê vyf verdagtes het verlede week op die winkel toegeslaan en selfone en klere ter waarde van meer as R100 000 gesteel. Lede van die Makhado-polisiespeurdiens het in samewerking met die misdaad-intelligensie eenheid, die rooftog ondersoek en die verdagtes in die Ritavi-gebied vasgetrek.

“Een van die verdagtes is ʼn polisiekaptein verbonde aan die Ritavi-polisie se speurdiens. Sy het glo twee van die gesteelde t-hemde en ʼn gesteelde rekenaartablet in haar besit gehad,” het Mojapelo gesê. Nog gesteelde items is glo in die ander verdagtes se besit gevind.

Die verdagtes, tussen die ouderdomme van 20 en 44 jaar, sal Dinsdag in die Makhado-landdroshof verskyn op aanklagte van sakeroof en die besit van gesteelde goedere.

“Die ondersoek duur voort, aangesien die verdagtes vermoedelik ook met ander misdade verbind kan word,” het Mojapelo gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

24 Kommentare

jongste oudste gewildste
Alida

Gruwelike klad op die SAPD se naam.

PMB

Dit is jammer dat n dief (kaptein) nou al die hardwerkende SAP lede se werk tot nuut maak! Ek wil weet hoe de duiwel word n dief n kaptein in ons SAPD? Is die susteem so vrot of is dit die eint resultaat van reg stellende aksie?

Cherokee

Sy het 2 t-hemde en ‘n rekenaartablet as meer waardevol beskou as haar loopbaan.

Oosie

Gee bevordering sonder werklike verdienste… Grade sonder verdienste… gratis opleiding sonder verdienste (sonder beurse)… en dit is wat jy kry! Dit beteken niks en kom tot niks.

Columbiana

Praat nou van wolf skaapwagter maak ne. Ek dink regtig hierdie land van ons probeer om elke idioom waar te laat word.