Polisiekonstabel in hof oor wapens, ammunisie

Argieffoto: SAPD

Argieffoto: SAPD

ʼn Polisiekonstabel en nog twee verdagtes het in die Delareyville-landdroshof in Noordwes verskyn op aanklag van die besit van ongelisensieerde ammunisie en gevaarlike wapens.

Kapt. Paul Ramaloko, woordvoerder van die polisie, het gesê konst. Patrick Tsonda (37), verbonde aan die Hartebeesfontein-polisiekantoor, het Dinsdag saam met Tshepo Manyobe en Sphelo Mlambo in die hof verskyn.

“Die drie is in Delareyville in hegtenis geneem nadat daar inligting ontvang is oor ʼn beplande rooftog. Hulle is betrap terwyl hulle besig was om die nommerplate van Manyobe se Nissan Maxima te verwyder. Daar is messe in Manyobe en Mlambo se sakke gevind.”

Volgens Ramaloko het Tsonda sy amptelike polisievuurwapen en onwettige ammunisie in sy besit gehad. Tsonda is aangekla van die besit van onwettige ammunisie en sy medebeskuldigdes vir die besit van gevaarlike wapens.

Manyobe en Mlambo is vrygelaat nadat hulle skulderkenningsboetes van R200 elk betaal het. Tsonda is op waarskuwing vrygelaat en moet weer op 22 September in die hof verskyn. “Interne dissiplinêre stappe word teen Tsonda gedoen.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

7 Kommentare

Pieter ·

Die boetes is belagik en daar moet na die arresteerende beampte en die hof gekyk word. Sameswering om te roof is tog sekerlik die klag gewees, dus kan die boetes onmoontlik nie stryk met die aanklag nie.

F ·

Watse rooftog het hulle beplan. Weer ‘n plaasmoord? Nogal van ons omgewing gekom. Hulle moes toegesluit word, maar is losgelaat. Waar is geregtigheid?

Maggie ·

R200… dis n joke!!!!!.. of sal ek sê ons regstelsel is n joke, dis belaglik man.

Gerhard Bezuidenhout ·

Wat n grap vir borg. Dit wat die boewe beplan het kon katastofiese gevolge he. Ek dink die saak rakende die borg moet verder ondersoek word.

Theresa ·

En die sepies duur voort……………………………..

Marché ·

2 het skulderkenningsboetes van R200 betaal, wat beteken die saak teen hulle is afgehandel!! Belaglik!

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.