Argieffoto
’n Polisiebeampte verskyn Woensdag in die Polokwane-landdroshof in Limpopo ná hy glo dagga by ’n tronk ingesmokkel het.
Volgens kol. Moatshe Ngoepe, woordvoerder van die polisie, het ’n 47-jarige beampte Woensdag by ’n gevangenis in Polokwane aangekom om gevangenes op te laai om na die hof te neem, toe hy op heterdaad met dagga in sy besit betrap is.
“’n Korrektiewe amptenaar aan diens het onraad vermoed en het die polisiebeampte vasgetrek toe hy glo dagga vir ’n gevangene in die tronk probeer insmokkel het,” het Ngoepe gesê.
Die polisie is van die beampte se optrede in kennis gestel en hy is in hegtenis geneem. Ngoepe het bevestig dat daar tydens die inhegtenisneming op twee pakkies dagga van altesaam 143 g beslag gelê is.
Die polisiebeampte werk as ’n hofordonans by die plaaslike Mankweng-polisiestasie.
die slegste mense het so diep ingesypel, dis onkeerbaar. Daar word mos geen ondersoek gelas na hulle verlede nie, as die kleur reg is, is die job hulle sin
Dis mos nie iets nuuts nie ou gewoonte van hulle en die meeste doen dit die ander moet nog net gevang word.
soos die spreekwoord lees: dit vat ‘n skelm om ‘n skelm te vang.