Polisieman by werkplek in hegtenis geneem

Die konstabel word in hegtenis geneem. Foto: Verskaf

Die Wes-Kaapse polisie het een van hul eie beamptes in Kaapstad in hegtenis geneem in verband met ʼn moord op ʼn jeugdige.

Kapt. FC van Wyk, provinsiale polisiewoordvoerder, het gesê speurders van die provinsiale eenheid teen georganiseerde misdaad het die 23-jarige konstabel Donderdag om 20:30 by die Kleinvlei-polisiestasie in hegtenis geneem.

“Die inhegtenisneming volg op ʼn noodlottige skietvoorval van ʼn 17-jarige jeugdige in Mfuleni in die vroeë oggendure van 10 September verlede jaar,” het Van Wyk gesê.

Hy het nie meer inligting oor die voorval bekend gemaak nie, maar polisiebeamptes gewaarsku dat die reg sy gang sal gaan as hulle skuldig bevind word aan enige misdryf.

Die konstabel word by die Bellville-Suid-polisiestasie aangehou en moet Maandag in die Blue Downs-landdroshof verskyn.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

10 Kommentare

jongste oudste gewildste
snoefie

interessant dat die reg sewe maande moes wag om sy gang te gaan. wat sou tog sy gang versper het?

Mariekie

Die klomp is flippen traag , lui en arrogant pleks verander hulle hul uniforms na groen en geel bitter min van hulle doen die blou uniform trots
???? nie seker watter een is die ausie flag

Duitser

Regs .Mariekie en dankie dat jy die stille betoging ondersteun.
??

Manie Strydom

Hulle sal 90% moet arresteer en vervang voor ek weer enige vertroue en respek vir hulle sal hê
??

Duitser

Hulle kan kom leer by Nampol wat polisie is ??