ʼn Polisiekonstabel is doodgeskiet en ʼn sersant gewond toe hulle Donderdagaand na die toneel van ʼn gewapende rooftog in Port Elizabeth uitgeroep is.
Kapt. Sandra Janse van Rensburg, woordvoerder van die polisie, het gesê die twee beamptes is omstreeks 23:00 na PE Ice Cream in Patersonweg in Noordeinde. Volgens haar is die beamptes deur die opsigter by die hek ontmoet.
“Voordat hulle daar aangekom het, is die veiligheidswag deur twee mans wat die perseel binnegekom het met ʼn vuurwapen aangehou. Hy is na ʼn waghuisie geneem en daar vasgebind. Een van die verdagtes het per ongeluk die alarm geaktiveer en dit het die opsigter na die perseel ontbied,” het Janse Van Rensburg gesê.
Volgens haar is die opsigter ook met ʼn vuurwapen aangehou en na die waghuisie geneem.
Die polisie het ʼn paar minute ná die opsigter by die toneel opgedaag.
“Die verdagtes het die opsigter gedreig en hom opdrag gegee om die polisie weg te stuur. Terwyl hy besig was om met die polisiebeamptes te praat het een van die gewapende mans uitgekom en op die polisie losgebrand,” het Janse Van Rensburg gesê.
Volgens haar is konst. Caroline Mjandana (38) noodlottig in haar nek gewond en die bestuurder van die voertuig, sers. Anele France (43), in die regteroor geskiet. France is tans in ʼn stabiele toestand in die hospitaal.
Albei polisiebeamptes se vuurwapens is gesteel.
Die polisie ondersoek sake van moord en poging tot moord.
Lt.genl. Liziwe Ntshinga, provinsiale polisiekommissaris, het sy medelye met Mjandana se naasbestaandes betuig en haar gewonde kollega ʼn spoedige beterskap toegewens.
“Ons kan julle verseker die polisie sal nie rus totdat die oortreders aan die pen ry nie. Ons kan nie stilbly as dié wat hul lewens waag om ons te beskerm vermoor word nie,” het Ntshinga gesê.
Enigiemand met inligting oor die voorval kan lt.kol Mayi by 082 697 5914 bel.
Wil voorkom asof polisie nie opgewasse en / of bekwaam genoeg is om misdaad te bekamp. Ek sê dit op grond van die feit dat al hoe meer misdadigers vreesloos teenoor polisie is. Nie noodwendig polisielede se skuld……..
Hoe stuur mens 2 dames daai tyd van die aan uit op so iets?
Dis maar soos dit is…. Die job het nie meer geslag nie
Nossob…… pas op vir feminisme. Die dames van vandag doen nou alles !Netnou piets hulle jou!
Nou lekker gegiggel!!!!
@Speedguard – ek is ‘n vrou en ek het presies dieselfde as Nossob gedink – watwo twee vroue uitstuur na ‘n gewapende rooftog-toneel stuur? Nie dat vroue onbeholpe is of so iets nie, maar ‘n man by hulle kon dalk tog die uitkoms van die saak verander het.