Brig. Thulani Ngubane, polisiewoordvoerder, sê die polisie is ontbied nadat daar ‘n geveg by ‘n kroeg uitgebreek het.
“Daar word beweer dat die polisie steeds op die toneel was, toe drie mans glo ‘n winkel oorkant die kroeg beroof het.”
Ngubane sê die verdagtes het besef die polisie is naby en het op hulle losgebrand. ‘n Polisiebeampte is raakgeskiet en in ‘n stabiele toestand na ‘n hospitaal geneem. Hy is later ontslaan.
Ngubane sê die verdagtes het van die toneel gevlug met lugtydbewyse van R7 000 en ‘n selfoon. Niemand is nog in hegtenis geneem in verband met die voorval nie.