Polisieman in hof oor k-woord

Die Pretoria-landdroshof. Foto: Brenda Masilela/ANA

’n Polisiebeampte wat daarvan beskuldig word dat hy sy medebeamptes rassistiese woorde toegesnou het, het Dinsdag in die Pretoria-landdroshof verskyn.

Kapt. Jaco Henrico staan tereg op aanklagte van crimen injuria. Henrico se kollegas by die Pretoria Sentraal-polisiestasie het verskeie interne en kriminele klagtes teen hom aanhangig gemaak vir beweerde rassisme.

Volgens Lawyers for Human Rights (LHR) is daar klagtes wat van 2016 af dateer en is dit glo nooit aangespreek nie.

Henrico het glo die k-woord gebruik en sy kollegas verbaal geteister. Volgens Wayne Ncube van LHR het talle polisiebeamptes die organisasie genader om hulle by te staan.

“Die saak verteenwoordig een van talle sake waar polisiebeamptes klagtes aanhangig gemaak het rakende voorvalle van rassisme by verskeie polisiestasies reg oor die land.”

Die saak teen Henrico is tot 20 Julie uitgestel.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

26 Kommentare

jongste oudste gewildste
Albaster

Hy wou seker nie saamwerk met sy kollegas om omkoopgeld in te samel nie of saam ‘n misdaad te pleeg nie.

Jannie

Kan verkeerd wees maar dit klink vir my na sameswering om hom kwaadwillig te vervolg.
Hierdie beamptes ken die prosedure waarom nou ewe skielik?

tamboti

‘n Daad wat gepleeg is in die verlede, wat nou deur wet as misdaad geklas word, kan mos nie terugwerkend vervolg word nie! Crimen injuria wel gepleeg maar moet ooreenkomstig gestraf word, gewoonlik boetes of ligte opgeskorte vonnis?

T J

Het maar my bedenkinge oor die aantygings.

SjN

Hoe weet hulle dat hy met hulle gepraat het?