Polisieman ondersoek ná vrou se dood

Maryka Kleinhans. Foto: Facebook

Die onafhanklike polisieondersoekdirektoraat (Opod) ondersoek ʼn polisiekaptein van eMalahleni in Mpumalanga na die dood van ʼn 31-jarige vrou met wie hy in ʼn verhouding was.

Maryka Kleinhans is Sondagaand dood nadat sy glo uit ʼn motor geval of gespring het naby Loskopdam.

Kapt. Awie Geldenhuys van die eMalahleni-polisie het glo die motor bestuur. Geldenhuys en Kleinhans was die afgelope paar maande in ʼn verhouding.

Moses Dlamini, woordvoerder van Opod, het aan Maroela Media bevestig hulle ondersoek die saak aangesien iemand glo in die teenwoordigheid van ʼn polisiebeampte dood is.

Dlamini het navrae oor of Geldenhuys geskors is hangende die ondersoek, na die polisie in Mpumalanga verwys.

Brig. Leonard Hlathi, woordvoerder van die polisie, het gesê Geldenhuys is nie geskors nie maar dat ʼn interne ondersoek ook plaasvind.

Kleinhans se ouers, Johan en Petro Bezuidenhout, kon nie onmiddellik met Maroela Media praat nie maar het onderneem om dit in ʼn latere stadium te doen. Kleinhans word Maandag ter ruste gelê.

Dit is nie die eerste keer dat Geldenhuys in omstredenheid gedompel is nie. Daar was al bewerings van onsedelike aanranding teen hom.

Die Middelburg Observer berig Kleinhans was ʼn haarkapper en dat sy ʼn driejarige dogtertjie uit ʼn vorige verhouding het.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

24 Kommentare

jongste oudste gewildste
Karolis

Wat van as sy uit die motor gestamp is?
Hoe kwaad moet ‘n vrou wees om uit ‘n motor te spring?

Nicola

Skokkend as jy die man gaan opsoek op die internet…..soveel klagtes al teen hom. Medelye aan die ouers en die res van die familie. Mag reg en geregtigheid geskied.

Sandy

Ja tik net in Google Awie Geldenhuys en sien meer oor die knaap. Smaak my hy kom weg met baie. Wonder hoekom? (‘n retoriese vraag), want ek ken die antwoord. Wat ‘n mooi meisiekind was die Maryka nie. My innige simpatie gaan uit na haar ouers en familie. Ek hoop julle sal die antwoorde kry waarna julle soek, en dat reg sal geskied vir julle en haar onthalwe.

Janie

Kan nie glo hy is nie geskors nie. Hy het al soveel ander klagtes teen hom gehad, maar blykbaar het nog niks van een van hulle gekom nie. Hoe is dit moontlik dat hy nog in die polisie is!?

Hy was 'n boelie

The same captain was reportedly involved in an incident in February 2016, when he allegedly dropped a seemingly intoxicated woman on a pavement after carrying her out of a local bar. The Citizen published CCTV footage of the policeman carrying the woman out of the bar in the early hours of the morning. She was reportedly found covered in blood hours later in front of a house where she and her parents had used to live. Middelburg Observer in 2016 published a long list of allegations of a sexual nature against the captain dating back to 1998. These included allegations… Lees meer »