’n Adjudant-offisier verbonde aan die direktoraat vir prioriteitsmisdaadondersoeke, beter bekend as die Valke, in Limpopo word aangekla van die nalatige bewaring van ’n vuurwapen nadat ’n 13-jarige familielid homself met die beampte se dienspistool doodgeskiet het.
Die voorval het Maandag omstreeks 16:30 in Thohoyandou plaasgevind nadat Phethani Kwinda sy oom se 9 mm-pistool in die hande gekry het. Die beampte het glo die vuurwapen in ’n slaapkamer laat lê.
Brig. Motlafela Mojapelo, woordvoerder van die polisie, sê dit is nog onduidelik of Phethani hom per ongeluk geskiet het, of sy eie lewe geneem het.
Die polisie doen ’n geregtelike doodsondersoek.
Lt.genl. Thembi Hadebe, provinsiale kommissaris van die polisie in Limpopo, het die voorval veroordeel en daarop gewys dat ’n vuurwapen slegs in ʼn geslote kluis of ʼn holster gehou mag word indien dit nie gebruik word nie.
“Daar sal dienooreenkomstig teen die lid opgetree word,” sê Hadebe.
Ek glo meer as 90% van hulle het nie eers kluise nie.
Aangekla vir nalatige bewaring van vuurwapen? Dis moord die kind is oorlede en vir wat lê sy wapen rond?
Dis nie moord nie. Woorde beteken iets. Kriminele nalatigheid is wel iets waarvoor mens kan tronk toe gaan.
Geen wonder die polisie verloor 28000 wapens nie
Totaal en al onbevoeg met geen sin vir antwoordelikheid nie. Nee heng man, sies!!!
Cele jou mafia stel jou elkke uur in die verleentheid,kry jy nie skaam nie??,dit is so duidelik dat jy niks beteken as polisie minister nie,en jy wil ons wapens wegvat??,kry jou siek huis eers in order………,net die ANC hou jou nog in jou pos ,glo my as die ANC val,dan val jy saam,ek verstoud my om te se dat enige ienand wat kan lees en skryf n beter “job”sal doen as jy en meer verstand het!!!!
Hy ken nie van skaam kry nie te vlak in die dak!
Gaan Cele nou die Valke ontwapen
Nee net ons eerlike burgers jy weet mos! Hy gaan probeer stel dit so Sarel
Cele kyk wat doen polisie, laat vuurwapens rondlê het nie eers ‘n behoorlike kluis nie, wat gaan jy aan die saak doen ‘n onskuldige kind het sy lewe verloor weens nalatigheid. Hierdie persoon gaan vry gespreek word deur die swak howe van die land.
onthou ook net dat die polisielede nie onder die gesag van die Vuurwapenbeerwet van 2000 val nie.
Mooi. O wee, dit is omdat daar nie meer ordentlike opleiding verskaf word nie.