Polisieman skiet glo vrou, self

ʼn Polisiebeampte van Mpumalanga het glo sy vrou doodgeskiet voor hy selfmoord gepleeg het.

Kol. Leonard Hlathi, polisiewoordvoerder, het gesê sers. Mduduzi Mlotshwa van die Secunda-polisiestasie het glo Dinsdagaand sy vrou, Nomaswazi Madlakamela, doodgeskiet en daarna selfmoord gepleeg. Die egpaar se liggame is in hul slaapkamer gevind.

Lt.genl. Mark Magadlela, provinsiale polisiekommissaris, het gesê dit is hartseer dat polisiebeamptes dikwels geen ander uitweg sien as om hulself en gesinslede te vermoor nie. “Dit is hartseer om ʼn lid te verloor terwyl daar maatreëls in plek gestel is om dit te verhoed.”