Polisieman skiet glo twee broers dood

Argieffoto (Foto: Marcus Trapp/Pixabay)

’n Polisiebeampte van Richardsbaai in KwaZulu-Natal het oor die naweek twee broers doodgeskiet. Hy was nie aan diens ten tyde van die voorval nie.

Sontaga Seisa, woordvoerder van die onafhanklike polisieondersoekdirektoraat (Opod), sê in ’n verklaring die beampte (38) het Saterdag omstreeks 09:00 in ’n stryery met een van die broers (24) in ’n woonkompleks betrokke geraak nadat dié glo die aand vantevore ’n geraas gemaak het.

Volgens Seisa het die jong man handgemeen met die beampte geraak waarna die twee uitmekaar is. Die polisiebeampte het later na die plaaslike satellietpolisiekantoor gestap om ’n saak van aanranding aanhangig te maak toe hy op pad daarheen die man en dié se ouer broer (32) raakloop. ’n Stryery het weer ontstaan waarna die beampte na bewering die twee broers doodgeskiet het.

Seisa sê die beampte is sedertdien in hegtenis geneem en sal na verwagting Dinsdag in die Empangeni-landdroshof verskyn op twee aanklagte van moord.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

14 Kommentare

jongste oudste gewildste
Martie

As hy van diens af was hoekom was hy gewapen en hoekom net skiet maar ja ons bly in n staat van cowboys ans crooks.

Marietjie Hancox

Berig moet lees 2 broers geskiet na stryery. Nie ‘deur Polisieman’ nie. Hy was nie aan diens nie en dit was persoonlik. Waarom sy beroep insleep en dan voorgee dat dit werkverwant was?

DS

Marietjie Hancox dis jou afleiding wat jy gemaak het moenie die opskrif die skuld gee nie. Enige artikel se opskrif word met die doel geskryf dat jy verder wil lees en meer uitvind en MM het dit perfek met jou reggekry. Welgedaan MM. Innige simpatie aan die broers se familie en hoop regtig die man wat hulle geskiet het kry die vonnis wat hy verdien.

SjN

Was hy ooit bevoeg om n vuurwapen te hanteer.

Karolis

Hy sal loskom, hy het hom glo self verdedig.