Brig. Marinda Mills, woordvoerder van die polisie, het gesê konst. Martin Bulelani Dlamini (38) is omstreeks 17:40 Donderdagmiddag in ʼn gewapende rooftog by ʼn winkel doodgeskiet.
Volgens Mills het nagenoeg tien gewapende mans die winkel binnegestorm en kontant van die kassiere geëis. Die polisie is ontbied en met hul aankoms het die groep rowers op die polisiebeamptes losgebrand. Konst. Dlamini is in die bolyf geskiet en is op die toneel dood verklaar.
Mills het gesê nog ʼn polisiebeampte is in die bobeen geskiet. Hy is vir behandeling na ʼn hospitaal gehaas en is tans in ʼn stabiele toestand. Volgens Mills het die rowers in twee wegkommotors gevlug en het hulle ook ʼn derde voertuig gekaap. Dié voertuig is later naby Katkop gevind.
Mills het gesê die rowers het met ʼn onbekende bedrag kontant gevlug. Niemand is nog in hegtenis geneem nie. Lt.genl. Celiwe Binta, provinsiale polisiekommissaris, het haar medelye met Dlamini se kollegas, vriende en familie betuig.
“Dit is nou ons prioriteit om eers te verseker dat diegene wat verantwoordelik is opgespoor en in hegtenis geneem word,” het Binta gesê.
ALLE POLISIE MOORDENAARS moet die doodstraf opgelê word. Dit gaan die enigste manier wees om wetstoepassers te beskerm!!+
Doodstraf moet heringestel word