Polisieman sterf toe vier op hom losbrand

Argieffoto (StevePB, Pixabay)

ʼn Polisiekonstabel van Port Elizabeth is Dinsdag dood toe hy ʼn verdagte voertuig voorgekeer en die insittendes onverwags op hom losgebrand het.

Kapt. Andre Beetge, woordvoerder van die polisie, het gesê die voorval het omstreeks 15:00 in Mendiweg in New Brighton gebeur. Volgens Beetge het die 35-jarige konstabel en sy kollega, ʼn sersant, ʼn verdagte Toyota Etios voorgekeer.

“Terwyl die twee polisiebeamptes uit hul gemerkte polisievoertuig geklim het, het vier verdagtes ook uit die Etios geklim. Die verdagtes het onverwags vuurwapens te voorskyn gebring en op die beamptes losgebrand,” het Beetge gesê. Die konstabel is verskeie kere geskiet terwyl die sersant daarin kon slaag om skuiling teen die koeëlreën te vind.

Oomblikke later het nog ʼn polisievoertuig op die toneel aangekom, onwetend van wat pas gebeur het. Die verdagtes het ook onmiddellik op dié voertuig losgebrand en die polisiebeamptes het teruggeskiet. Ondanks die skietgeveg kon die verdagtes daarin slaag om te vlug, het Beetge gesê.

Die beamptes op die toneel het versterking ontbied en die gewonde konstabel is onmiddellik na ʼn hospitaal gehaas. Hy het op pad na die hospitaal gesterf.

Genl.maj. Dawie Rabie, bevelvoerder van die Motherwell-polisiëringsgebied, het sy medelye met die oorledene se naasbestaandes en kollegas betuig. “ʼn Volledige ondersoek sal gedoen word. Ons sal geen steen onaangeroer laat nie om seker te maak dat hierdie moordenaars gevind word en aan die pen ry,” het hy gesê.

Enigiemand met inligting wat die polisie in hul ondersoek kan bystaan, word versoek om lt.kol. Smidt by 082 441 8121 of Stop Misdaad by 08600 10111 te bel.

Die naam van die oorledene is nog nie bekendgemaak nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

11 Kommentare

jongste oudste gewildste
Dis so

Het hulle dan nie radio verbindings nie?

Cynthia TREDOUX

My dogter en gewese man…was albei lede van die SAPD! Jy gaan die ondersoek van n VERDAGTE VOERTUIG…met BAIE ONDERSTEUNING tegemoet…al hoe meer SAPS lede sterf as ge volg van nalatigheid…en die EEN/TWEE MAN wat verdagte voertuie wil deursoek. Jammer…maar dis so tragies…en mens sou ding hul sal LEER uit hierdie foute…maar dit blyk nie die geval te wees nie.

Charmaine

Dit gaan wors i hierdie kand hier by ons betooh hulle ook het kole en bande aan die brand gesteek

Charmaine

Askuus die spelfoute hier betoog hulle ook op Arnot by eskom het bande aan die brand gesteek en kole by die ingange

Johan.H

Jammer man!! Maar ek moet vra julle is dan nou die bewakers Met vuurwapens En opgelei!!?? Ek neem aan “opgelei” Maar julle wil die wetsgehoorsame vuurwapen eienaars ry, oor n tegniese punt oor die lisensies,,Hoe dink JULLE moet die publiek nou voel????SIEN JULLE POLISIE MANNE HOEKOM MOET ONS VUURWAPENS MOET DRA,,Ons soek julle ondersteuning sodat ons Julle hande kan versterk,,, Ek dink jul topbstuur moet ophou “spitefull” wees en ons help,,,LOS al die Ego”s by die huis ,ly julself op en siedaar!!,Sterkte aan die families,!