Polisieman vas vir huisroof

Lichtenburg. Argieffoto: ANA

ʼn Polisiesersant en sy medepligtige het Vrydag in die landdroshof in Lichtenburg, Noordwes, verskyn op aanklagte van huisroof.

Olebogeng Selemela (35) en Edward Tekane (24) is Donderdag in hegtenis geneem nadat hulle glo ʼn huis beroof het.

“Daar word beweer dat die klaer in die nag wakker geword het van ʼn vreemde geluid op die dak van sy huis. Toe die klaer ondersoek instel, het die indringer aangedui dat hy van die polisie is en die klaer beveel om die deur oop te maak,” sê brig. Sabata Mokgwabone, polisiewoordvoerder van Noordwes.

“Toe die klaer die deur oopmaak, het hy die polisieman en nog ʼn man gesien. Die twee het glo geld van die klaer geëis, wat aan hulle gesê het dat hy nie geld het nie. Die beskuldigdes het toe glo die klaer se rybewys en ʼn stel sleutels gegryp voordat hulle van die toneel gevlug het.”

Mokgwabone sê die polisie het die verdagtes later vasgetrek en op ander gesteelde goedere afgekom.

Die verdagtes is elk op R500 borgtog vrygelaat en sal weer Maandag 6 Julie in die hof verskyn.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

22 Kommentare

jongste oudste gewildste
Scalla

Hoedeman keuring geslaag met aanstelling, behoort nie in die pos, beide van die 2

Fedup

Just another victory for the mad hatter.

jinny jualinda

Borgtog van R500!!!!!!!

Termiet

R500 BORG!!!!!??????

Oujongvrou

Hierdie is n polisieman, tog kry hy R500 borg. Of is die selle vol van die gewone burgers. Mnr Cele moet waai, regtig. Sy polisiemag is buite beheer