Lt.kol. Andre Traut, woordvoerder van die polisie, het gesê die 31-jarige konstabel is Dinsdag in hegtenis geneem nadat die bevelvoerder van die Mitchells Plain-landdroshof se hofordonnanse ʼn wenk ontvang het dat die beampte betrokke is by onwettige aktiwiteite.
Die konstabel is kort daarna ondersoek. “Vier pakkies fyngedrukte Mandrax en twee daggasigarette is in die beampte, wat steeds aan diens was, se besit gevind,” het Traut gesê. “Hy is op die plek in hegtenis geneem.”
Volgens Traut word daar vermoed dat die beampte die dwelms na gevangenes in die polisieselle wou smokkel.
Die verdagte sal in die Mitchells Plain-landdroshof verskyn, “dieselfde hof waar hy Dinsdag sy pligte uitgevoer het”.
Kan jy nou meer. Wat mense net nie sal aanvang nie. Hy is 31 en het ‘n vaste werk. Verseker hy kry elke maand ‘n salaris en daar gooi hy dit binne ‘n paar minute alles weg. So sinneloos.
By ons het ‘n werker met baie jare diens en 3 jaar voor sy aftrede maatskappy eiendom gesteel, hy is ontslaan. Dit is bloot gierigheid.
Weereens ‘n bewys dat dinge net beter werk in die Weskaap provinsie
‘n Geregsdienaar wat skuldig is aan krimenele gedra moes met keuring uitgesif gewees het.