Polisieman, veiligheidswag vermoor

‘n Polisiebeampte en ‘n veiligheidswag is dood toe ‘n bende naby Tembisa op hulle losgebrand het. (Foto: Twitter)

ʼn Polisiebeampte én ʼn veiligheidswag is dood toe ʼn bende van minstens vyf mans Saterdagoggend in Elandsfontein naby Tembisa op hulle losgebrand het.

Brig. Vishnu Naidoo, nasionale polisiewoordvoerder, het gesê die mans was in ʼn sportnutsvoertuig en het op die hoek van die R562 en M57 op die drie, wat in ʼn gemerkte polisievoertuig gery het, begin skiet.

Die bende was met gewere gewapen.

Die twee mans is op die toneel dood. Die vrou was ongedeerd.

Die polisielid, ʼn adjudantoffisier, was van Ivory Park.

Volgens Naidoo het die polisie reeds sy 72-uur-aktiveringsplan in werking gestel. Ingevolge dié plan word bykomende hulpbronne beskikbaar gestel sodat leidrade so gou moontlik opgevolg kan word.

Die polisie het ook ʼn beroep op die publiek gedoen om vorendag te kom met enige inligting oor die voorval.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

6 Kommentare

jongste oudste gewildste
Atta

Olifantsfontein, nie Elandsfontein nie.

Gawie

Nou wonder ek – was die aanval beplan, of was dit weer net opportunisme?

Charl Albertus

Ek neem aan hulle gaan die selfde erns toe pas in die polisie moord as vir ń plaas moord……