Die polisiebeampte van die Wes-Kaap wat Woensdagaand omstreeks 10:30 by die Klapmuts-polisiestasie buite Stellenbosch doodgeskiet is terwyl hy aan diens was, se naam is bekendgemaak.
“Ao. Steven Brits (44) is tydens ʼn vermeende rooftog by die polisiestasie doodgeskiet,” het lt.kol. André Traut, ʼn polisiewoordvoerder, Donderdag gesê.
Brits is deur ʼn onbekende aantal mans oorval en doodgeskiet. Sover vasgestel kan word, word ʼn vuurwapen vermis. Meer inligting volg.
Die provinsiale polisiekommissaris, lt.genl. Arno Lamoer, sal na verwagting later die dag die media by die polisiestasie sal toespreek. – SAPA
Lees ook:
Polisiebeampte by stasie doodgeskiet
Ek glo nie wat ek lees nie, dat hulle nou al polisiestasies beroof. Sterkte aan die familie
Innige simpatie.