Polisieman wat glo verkrag wéér vas ná hy borgtog kry

Argieffoto: SAPD

ʼn Polisiekaptein van die Vrystaat wat op borgtog vrygelaat is nadat hy op aanklag van verkragting in hegtenis geneem is, is weer agter tralies nadat hy glo twee vroue verkrag en ʼn minderjarige seksueel aangerand het.

Die beampte, wat vir die eenheid vir gesinsgeweld, kinderbeskerming en seksuele misdrywe gewerk het, moet op 16 November weer in die Frankfort-landdroshof verskyn. Die beampte was by die Mafube-polisiestasie gevestig.

Hy is die eerste keer op 22 September deur die onafhanklike polisieondersoekdirektoraat (Opod) in hegtenis geneem op aanklagte van verkragting. Hy is op 25 September op borgtog vrygelaat.

Ndileka Cola, Opod-woordvoerder, het gesê die beampte is op 28 Oktober weer in hegtenis geneem vir die beweerde verkragting van twee vroue en die seksuele aanranding van ʼn 11-jarige meisie.

Die vroue en meisie was glo die slagoffers van verkragting en seksuele aanranding en die betrokke beampte het hul sake ondersoek toe hy hulle glo ook verkrag en seksueel aangerand het.

Die beampte word onder meer van uitbuiting, korrupsie, seksuele gereedmaking, seksuele aanranding, bedrog en vervalsing aangekla.

Die beampte het bedank nadat ʼn brief met die voorneme om hom te skors aan hom beteken is.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

18 Kommentare

jongste oudste gewildste
Johann

Wie ook al borgtog toegestaan het is primer aanspreeklik. SIEK!!!!!

Misky

Cele is seker baie trots op sy mense……

Genis

Die een borgtog toegestaan het moet vervolg word, sommer die korrupte SAPD ook… Hulle bly maar skandalig, onbevoeg, en korrup… Ou Cyril: “Your people man”….. Shameless like you and Cele… ANC comes first, or is money in your pockets?

Chantel

Wat het geword van die oorsponklike “clearance” wat destydse poliesebeamptes moes deurgaan nog voor hulle eers na die opleidings sentrums toe kon gaan? Dis SIEK!!!!!

Casper

Dit was seksuele misdrywe teen vrouens en ‘n minderjarige.Hoekom moes hy borg kry?wat se buite gewone omstandighede was daar wat borg geregverdig het aangesien dit ‘n skedule 6 misdryf is.Oom met die hoed die publiek sien jy doen nie jou werk nie en daarom my oom neem gemeenskap reg in eie hande.Goed so want ons is moeg vir geweld in die land.