Polisieminister besoek beroofde toeriste

Foto: P. Bakker het die foto van die toerbus aan De Telegraaf verskaf.

Fikile Mbalula, die minister van polisie, gaan Dinsdagmiddag ʼn besoek aflê by die Nederlandse toeriste, meestal bejaardes, wat Sondagoggend op ʼn toerbus beroof is.

Mbalula het Dinsdag die voorval veroordeel en gesê dit is ʼn aanval op die toerismebedryf en die ekonomie.

“Die OR Tambo-lughawe is ons nasionale sleutelpunt. Ons het al baie werk verrig om dit veilig te maak en optimaal te bedryf om vinnig en doeltreffend op veiligheidsaspekte te reageer. Nóg meer is gedoen om kriminele aktiwiteite in en om die lughawe te beveg,” het Mbalula in ʼn verklaring gesê.

Hy het gesê toerisme is deel van die land se ekonomiese drywers, verskaf werk en moet beskerm word. “Deel hiervan is om te verseker dat ons toeriste nie net veilig hier voel nie, maar ook is. Ek versoek ʼn swaar straf vir diegene wat hiervoor verantwoordelik is.”

Mbalula het die polisiebestuur opdrag gegee om die saak te ondersoek. Hy is die versekering gegee dat speurders saam met die Suid-Afrikaanse Nasionale Padagentskap (Sanral) en ander instansies werk om die verdagtes op te spoor.

Maroela Media het vroeër berig die 36 toeriste is in Johannesburg oorval kort nadat hulle by die OR Tambo-lughawe geland het vir ʼn 22 dae lange toer deur die land. Die toeriste was onderweg na ʼn lodge toe die busbestuurder glo gedwing is om stil te hou deur ʼn man wat vermoedelik ʼn gemerkte polisievoertuig gery en ʼn polisie-uniform aangehad het.

Daarna het vyf verdagtes in siviele kleredrag op die bus geklim en die toeriste van hul persoonlike items asook bagasie beroof. ʼn Toeris is tydens die voorval beseer en moes na ʼn hospitaal geneem word vir behandeling.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

37 Kommentare

jongste oudste gewildste
Alida

DIS TE LAAT FIKILE! KOEBAAI WB JULLE MORS TYD EN GELD

MM

Wil sien of hy die mense van die plaas wat vermoor is en in die hospital is sal besoek??

Ben

Hoop die Duitse regering neem kennis.
Hulle was mos gretig dat die ANC aan bewind kom.
Het hulle ge “sponser” en pellie pellie met hulle gewees.
Wat nou??????

Neil

Is dit nou 36 toeriste? Is daar nie vroeer berig dat dit 38 is nie?

SjN

Hoekom ook nie so vinnig reageer op plaasaanvalle en moorde nie Frikkie.